Friday, June 9, 2023

လက်နက်ကြီးဖြင့် ရမ်းသမ်းပစ်ခတ်မှုကြောင့် ဘုန်းကြီးကျောင်းဆောင်များ ပျက်စီး

Must read

သျှမ်းပြည် တောင်ကြီးခရိုင် ပင်လောင်းမြို့နယ် နမ့်နိမ့်ကျေးရွာအနီးတွင် လက်နက်ကြီး တဖက်သတ် ရမ်းသမ်းပစ်ခတ်မှုကြောင့် ဘုန်းကြီးကျောင်းဆောင်များ ထိခိုက်ပျက်စီးခဲ့ကြောင်း စုံစမ်းသိရသည်။

ပင်လောင်းမြို့

ယမန်နေ့ (မတ်လ ၉ ရက်) ညပိုင်းအချိန် နမ့်နိမ့် ကျေးရွာအနီးတွင် တိုက်ပွဲဖြစ်ပွားခြင်းမရှိဘဲ တဖက်သတ် လက်နက်ကြီးဖြင့် ရမ်းသမ်းပစ်ခတ်မှု ဖြစ်ပွားကာ နမ့်နိမ့်ဘုန်းကြီးကျောင်းဆောင်ထဲသို့ လက်နက်ကြီးတစ်လုံး ကျရောက်ပေါက်ကွဲခဲ့ကြောင်း ဒေသခံ အုပ်ချုပ်ရေးမှူးတစ်ဦးက သျှမ်းသံတော်ဆင့်ကို ပြောသည်။

“ တိုက်ပွဲကတော့ အရင်ရှေ့ နှစ်ရက်တွေလောက် မပြင်းတော့ဘူး။ လက်နက်ကြီးတွေနဲ့တော့ ရမ်းသမ်း ပစ်နေသေးတယ်။ နမ့်နိမ့်ဘုန်းကြီးကျောင်းထဲကို လက်နက်ကြီးတစ်လုံး ပေါက်ကွဲတယ်။ ကျောင်းခေါင်မိုးနဲ့ ကျောင်းဆောင်တွေ ထိသွားတယ်။ လူတွေတော့ ထိခိုက်ဒဏ်ရာမရှိဘူး “ ဟု ၎င်းက ပြောသည်။

လက်ရှိ နမ့်နိမ့်ဘုန်းကြီးကျောင်းအတွင်း ဘုန်းကြီး ၆ ပါး ရှိနေကြောင်း သိရပြီး ကျောင်း၏ အောက်ထပ်တွင် ခိုလှုံနေရကြောင်း သိရသည်။

ထို့အပြင် တိုက်ပွဲကြောင့် ပြည်သူ့နေအိမ်များမှာလည်း ပျက်စီးဆုံးရှုံးနေပြီး လက်ရှိမှာ ပြည်သူများအနေဖြင့် ကျေးရွာအတွင်း ပြန်လည် နေထိုင်ရန် စိုးရိမ်နေရသေးကြောင်း သိရသည်။

တိုက်ပွဲသည် ပြီးခဲ့သည့် (ဖေဖော်ဝါရီ ၂၄ ရက်) ကစပြီး ယနေ့အချိန်ထိ တိုက်ပွဲ ဆက်လက်ဖြစ်ပွား နေသေးကြောင်း သိရသည်။

Leave a Comments

- Advertisement -spot_img

Latest article