ပြင်ဦးလွင် ကားတစ်စီး ဘရိတ်ပေါက်ပြီး လူ (၆) ဦး ထိခိုက်ဒဏ်ရာရ
ပြင်ဦးလွင်မြို့နှင့် မိုင် (၃) ခန့်ဝေးသည့် အင်းယားကျေးရွာ အုပ်ချုပ်ရေးမှူးအနီးတွင် ကားတစ်စီး ဘရိတ်ပေါက်ရာ အိမ်ခြံဝန်း အုတ်တံတိုင်းနှင့် ဝင်တိုက်မိသောကြောင့် လူ (၆) ဦး ထိခိုက်ဒဏ်ရာရရှိကြောင်း သိရှိရသည်။
ယမန်နေ့ ဇန်နဝါရီ ၁၁ ရက် နေ့လည် ၃ နာရီခွဲ ဝန်းကျင်က ဖြစ်ပွားပြီး ထိခိုက်ဒဏ်ရာရရှိသူ လူနာ (၆) ဦးကို ပြင်ဉီးလွင်နာရေး လူမှုကူညီရေးအသင်းက သွားရောက်ကူညီပြီး ပြည်သူ့ဆေးရုံကြီးသို့ ပို့ဆောင်ခဲ့ကြောင်း သိရသည်။
“ သူ့တို့ မိသားစုကားတစ်စီးက အိမ်မှာရေတွင်းတူးကြည့်ဖို့ လာတာ။ ကုန်ပေါ်ကအဆင်း ယာဉ်မောင်းတဲ့ကလေး ငေးပြီးတော့ တန်းတန်းရှေ့ကအုတ်တံတိုင်းနဲ့ ဝင်ချိတ်မိတာ။ လူတွေကတော့ ထိခိုက်ဒဏ်တွေ ပြင်းထန်တာတွေ သိပ်မရှိဘူး “ ဟု တာဝန်ခံရှိသူ တစ်ဦးက ပြောသည်။
ထို့အပြင် ယမန်နေ့ (ဇန်နဝါရီ ၁၁) ရက် နေ့လယ် ၁၂ နာရီခန့်တွင်လည်း ကျိုင်းတုံ-တောင်ကြီးလမ်း ပုံထိုကျေးရွာအနီးတွင် Canter ကားတစ်စီးဘရိတ်ပေါက်ပြီး ချောက်ထဲထိုးကျသွားကာ လူတစ်ဦး သေဆုံးခဲ့ကြောင်း သိရသည်
Leave a Comments