သျှမ်းပြည်မြောက်ပိုင်း နမ့်ဆန်မြို့နယ် ကုန်းသာကျေးရွာအတွင်း TNLA တပ်စခန်းရှိရာသို့ စစ်ကောင်စီတပ်ဖွဲ့မှ လေကြောင်းလိုင်း နှင့် ထိုးစစ်ဆင် တိုက်ခတ်ခြင်းသည် နားလည်မှု လွှဲခြင်းသာဖြစ်ကြောင်း စစ်ကောင်စီက ယမန်နေ့ (ဒီဇင်ဘာ ၁၇) ရက်တွင် ထုတ်ပြန်ထားကြောင်း သိရသည်။
ယမန်နေ့ ဒီဇင်ဘာ (၁၇) ရက်က စစ်ကောင်စီ မှ ကုန်းသာကျေးရွာသို့ မြေပြင် အပါအဝင် လေကြောင်းလိုင်း မှ အပြင်းအထန် ထိုးစစ်ဆင် တိုက်ခတ်ခြင်းသည် NUG၊ PDF၊ CRPH တို့နှင့်သာ သက်ဆိုင်ပြီး TNLA နှင့် ဖြစ်ပွားသည့် တိုက်ပွဲသည် နားလည်မှု လွှဲခြင်းသာ ဖြစ်ကြောင်း ထုတ်ပြန်ထားသည်။
ရဟတ်ယာဥ် ၊ ဂျက်ဖိုက်တာ (၁၀) စီးကျော် အသုံးပြုပြီး လေကြောင်း တိုက်ခိုက်မှု (၅၀) ကြိမ်ထက်မနည်း တိုက်ခိုက်ခဲ့ပေမယ့် တိုက်ပွဲအတွင်း လက်နက်ခဲယမ်းများလည်း သိမ်းဆည်းရမိခဲ့တယ်လို့ စစ်ကောင်စီက ထုတ်ပြန်ချက်တွင်ရေးသားထားသည်။
ပြီးခဲ့သည့် ဒီဇင်ဘာလ ၇ ရက်မှ စတင်ပြီး ဒီဇင်ဘာ (၁၃) ရက်အထိ အာဏာသိမ်းစစ်ကောင်စီ တပ်သား အလောင်း ၄၇ လောင်းတွေ့ရပြီး၊ အရှင်လတ်လတ် စစ်သုံ့ပန်းအဖြစ် ၂၄ ဦးကို TNLA တပ်ဖွဲ့မှ ဖမ်းဆီး ထားကြောင်း စစ်မြေပြင် အရာရှိ တစ်ဦးက သျှမ်းသံတော်ဆင့် ကိုပြောသည်။
သျှမ်းပြည်မြောက်ပိုင်း နမ့်ဆန်မြို့နယ် အတွင်း တအာင်း (ပလောင်) အမျိုးသား လွတ်မြောက်ရေး တပ်မတော် (TNLA) နှင့် အာဏာသိမ်း စစ်ကောင်စီ တပ်ဖွဲ့တို့ကြား တိုက်ပွဲ အပြင်းအထန် ဖြစ်ပွားခဲ့ပြီး ကုန်းသာကျေးရွာ လုံးကျွတ် ပျက်စီးသွားခဲ့သည်။
ဒီဇင်ဘာ (၇) ရက်မှ (၁၂) ရက်နေ့ထိ တိုက်ပွဲကာလ အတွင်း စစ်ကောင်စီဘက်မှ တိုက်လေယာဥ် ရဟတ်ယာဥ်များဖြင့် ဗုံးကြဲတိုက်ခိုက်ခြင်း ရှိသည့် အတွက် ကုန်းသာကျေးရွာသို့ လက်နက်ကြီး ကျပြီး ဘုန်းကြီးကျောင်း အပါအဝင် ပြည်သူ့နေအိမ် ရွာလုံးကျွတ်နီးပါး ပျက်စီးကြောင်း ဒေသခံများက ပြောသည်။
Leave a Comments