Thursday, December 1, 2022

ရွာငံမြို့နယ် မီတာခမဆောင်သည့် အိမ်များမီတာဘောက်ဖြုတ်ခံရ

Must read

သျှမ်းပြည်တောင်ပိုင်း ၊ ရွာငံမြို့တွင် မီတာခ မဆောင်သည့် အိမ်များကို စစ်ကောင်စီ လက်အောက်ခံ လျှပ်စစ်ဝန်ကြီးဌာနမှ ဝန်းထမ်းများ က  မီတာဘောက် လာရောက်ဖြုတ်ယူသွားကြောင်း စုံစမ်းသိရှိရသည်။ 

ရွာငံမြို့

ယခု နိုဝင်ဘာလတွင်  ရွာငံမြို့အတွင်း မီတာခ မဆောင်သည့်အိမ်များ စစ်ကောင်စီ လက်အောက်ခံ လျှပ်စစ်ဝန်ကြီးဌာန မှဝန်ထမ်းများက  မီတာဘောက်ဖြုတ်ယူသည့်အပြင် လမ်းပေါ်က မီးတိုင်များကိုလည်း ဖြုတ်ယူသွားကြောင်း သိရသည်။ 

“ မီတာခ မဆောင်နိုင်တဲ့အိမ်တွေကို မီတာဘောက်တွေလာဖြုတ်သွားပါတယ်။ ပြီးတော့ အခုကလည်း မီးတွေက ပုံမှန်မလာဘူး။ အိမ်ထဲက မီးသီးလုံးတွေလည်း လာဖြုတ်သွားတယ်။ လမ်းဘေးကို ဓာတ်တိုင်မီးတွေတောင် ဖြုတ်သွားတယ်” ဟု ရွာငံမြို့ဒေသခံ အမျိုးသမီးတစ်ဦးက ပြောသည်။ 

ထိုအပြင် မီတာခကို ယခင်က ထမင်းချက် ၊ ရေမော်တာတင်သုံးရာတွင် တစ်လကို ၅ ထောင်သာကုန်ကျပြီး လက်ရှိမှာ တစ်လကို ၃ သောင်းထိ ပေးဆောင်ရကြောင်းသိရသည်။  

မီတာပေါက်ကို မြို့ထဲတွင် ဖြုတ်ယူသည့်အပြင်  ကျေးရွာဘက်က မီတာခမဆောင်သည့် အိမ်များကိုလည်း စစ်ကောင်စီက ကျေးရွာတွင်း တာဝန်ရှိသူများကို မီတာပေါက်ကိလိုက်ဖြုတ်ယူခိုင်းကြောင်းသိရသည်။ 

“ မြို့ထဲမှာလည်းဖြုတ်တယ်။ ကျေးရွာတွေဘက်မှာလည်း လာဖြုတ်တယ်။ ကျေးရွာထဲက တာဝန်ရှိတဲ့သူတွေကို သူတို့က လှမ်းဖြုတ်ခိုင်းတာ။ မဆောင်တဲ့အိမ်တွေကို အကုန်လိုက်ဖြုတ်ခိုင်းတာ။ ပြီးတော့ အရင်ကထက်လည်း မီတာခက ဈေးကြီးလာတယ်” ဟု ရွာငံမြို့ ဒေသခံ အမျိုးသမီးတစ်ဦးက ပြောသည်။

ပြည်သူအများစုသည် စစ်အာဏသိမ်းအုပ်ချုပ်နေသည်ကို ကန့်ကွက်သည့်အနေဖြင့် မီတာခ အပါအဝင် အစိုးရကို ပေးဆောင်ရသည့် ဝန်ဆောင်ခများကို မပေးဆောင်ခဲကြပေ။ 

ထို့အပြင် စစ်အာဏာသိမ်းပြီးနောက် စစ်ကောင်စီများသည် လျှပ်စစ်မီးကို မကြာခဏဖြတ်တောက်သည့်အပြင်  မီတာခများကိုလည်း ယခင်ကထက် အဆပေါင်းများစွာ ကောက်ယူမှုများရှိလာကြသည်။ 

Leave a Comments

- Advertisement -spot_img

Latest article