သျှမ်းပြည်မြောက်ပိုင်း လာရှိုးမြို့ မြို့လည်ခေါင်ရှိ မြို့တောင်ခန်းမ ဖောက်ခွဲမှုကို မြောက်ပိုင်းမဟာမိတ် တပ်ရင်း (N.S.S.A.A) ကပြုလုပ်ခဲ့ကြောင်း ထုတ်ပြန်လာသည်။
ယနေ့ ( နိုဝင်ဘာ ၂)ရက် နေ့လည်ပိုင်း ၁နာရီတွင် ဗုံးတစ်လုံး ပေါက်ကွဲမှု ဖြစ်ပွားခဲ့ပြီးနောက် စစ်ကောင်စီဘက်မှ ကျဆုံးမှုများ၊ ထိခိုက်ဒဏ်ရာရရှိသူများကိုတော့ မသိရှိရကြောင်း ဆိုသည်။
“ ဒီနေ့ နေ့လည် ဗုံးပေါက်တာတော့ဟုတ်တယ်။အသံကြားရတယ်။ ထိခိုက်မှုကတော့ မသိဘူး” ဟု လားရှိုးမြို့တော်ခန်းမ အနီးတွင်နေထိုင်သည့် အမျိုးသားတစ်ဦးက သျှမ်းသံတော်ဆင့်ကိုပြောသည်။
လက်ရှိမှာ လားရှိုးမြို့တော်ခန်းမ အနီးတဝှိက်တွင် စစ်ကောင်စီ အုပ်စုက လုံခြုံရေး တင်းကျပ်စွာ ယူနေပြီး၊ စစ်ဆေးမှုများလည်း ပြုလုပ်နေကြောင်း သိရသည်။
ထိုဗုံးပေါက်ကွဲမှုသည် NSSAA ၏ လက်ချက်ဖြစ်ပြီး လာမည့်အောက်တိုဘာ ၄ ရက်တွင် စစ်ကောင်စီကဦးစီးပြီး ပြုလုပ်မယ့် တန်ဆောင်တိုင်ပွဲကြီးကို ပြည်သူလူထုအနေဖြင့် ကျဆုံးသွားသော၊ မပြေလည်သေးသော ဒီမိုကရေစီ ဘက်တော်သားတို့ကို ထောက်ထားကာ သွားရောက်ပျော်ပါးမှုများ မပြုလုပ်ရန် လည်း NSSAA က မေတ္တရပ်ခံထားကြောင်း ထုတ်ပြန်ချက်တွင် ရေးသားဖော်ပြေထားသည်။
လာမည့် နိုဝင်ဘာ ၄ ရက်မှစပြီး နိုဝင်ဘာ ၇ ရက်နေ့ထိ လာရှိုးမြို့အဝင် ရန်တိုင်းအောင် ဆုတောင်းပြည့်မြို ဦးစေတော်ကြီးတွင် စတုတ္ထအကြိမ်မြောက် တန်ဆောင်တိုင်ပွဲကြီးကို ၄ ရက်ကြာ ကျင်းပပြုလုပ် သွားမည်ဖြစ်ကြောင်း သတင်းသိရသည်။
တေးတံရှင်အဆိုတော် ဖြစ်တဲ့ နောနော်၊ လာရှိုး မောင်ဝင်း၊ ဖော့ကိုင်၊ မိုးအောင်ရင်၊ ချောစုခင်၊ L ဆိုင်းဇီ၊ ရွှေရူပါဉီး နှင့် A မီစျာန် စတဲ့အဆိုများက လာရောက်ဖျော်ဖြေပေးသွားမည် ဖြစ်ကြောင်း ကြောညာထားပါသည်။
