သျှမ်းပြည်တောင်ပိုင်း ဟိုပုံးမြို့နယ် မြို့မဈေးတွင် ယနေ့(အောက်တိုဘာ ၇)ရက်တွင် သက်ဆိုင်ရာဌာများက လာရောက်စောင့်ဆိုင်းပြီး ဈေးဝယ်လာသော ပြည်သူများကို ဆိုင်ကယ်လိုင်စင်မေးမြန်းပြီး ပိုက်ဆံကောက်ခံမှု ရှိနေကြောင်း စုံစမ်းသိရှိရသည်။
ယနေ့ အောက်တိုဘာ ၇ ရက် မနက်ပိုင်း ၈ နာရီတွင် စစ်ကောင်စီလက်အောက်ခံ သက်ဆိုင်ရာဌာနများက ဟိုပုံးမြို့မဈေးသို့ ဈေးလာသုံးသော ပြည်သူများကို ဆိုင်ကယ်လိုင်စင်မပါလျှင် (နှစ်သောင်း) ကျပ်၊ ဦးထုပ် မဆောင်းပါက (တစ်သောင်း) ကျပ် တောင်းယူနေကြောင်း ဟိုပုံးဒေသခံ အမျိုးသားတစ်ဦးက သျှမ်းသံတော်ဆင့် ကိုပြောသည်။
“ ဒီနေ့ဟိုပုံးအာခါ ဈေးနေ့ကြီးကို ရဲတွေကလာစောင့်ပြီး ပိုက်ဆံတောင်းနေတယ်။ လိုင်စင်မပါရင် (နှစ်သောင်း)၊ ဦးထုပ်မဆောင်းရင် (တစ်သောင်း) တောင်းနေတယ်။ တချို့ဈေးသည်တွေလည်း မလာရဲတော့ဘူး “ ဟု ၎င်းဒေသခံတစ်ဦးက ပြောသည်။
ထို့အပြင် ဟိုပုံးမြို့မဈေးထဲသို့ ဈေးလာသုံးများကို သက်ဆိုင်ရာဌာနဖြစ်သော မီးသတ်ဖွဲ့များ၊ ရဲများ နှင့် စစ်သားများက COVID-19 ရောဂါဖြစ်ပွားခြင်းရှိမရှိ နှာခေါင်းထိုးစစ်ဆေးမှုများလည်း ပြုလုပ်ပေးနေကြောင်း သိရသည်။
