ပြည်သူ့ကာကွယ်ရေး PDF တပ်ဖွဲ့ကို ငွေကြေးထောက်ပံ့ပေးခြင်း၊ တစ်ကျပ်တစ်ပြား လှူသန်းပေးခြင်းများ ပြုလုပ်ပါက ပုဒ်မ (၅) ခုနှင့် သေဒဏ်အထိချမှတ်နိုင်ကြောင်း စစ်ကောင်စီပြောခွင့်ရ ဗိုလ်ချုပ်ဇော်မင်းထွန်း ယမန်နေ့ စက်တင်ဘာ (၂၀) ရက်သတင်းစာရှင်းလင်းပွဲတွင် ပြောကြားလိုက်ပါသည်။

ပြည်သူ့ကာကွယ်ရေး PDF တပ်ဖွဲ့အပြင် အမျိုးသားညီညွတ်ရေးအစိုးရ (NUG) နှင့် ပြည်တောင်စု လွှတ်တော်ကိုယ်စားပြု ကော်မတီ (CRPH) ကို ငွေကြေးကူညီထောက်ပံ့ခြင်း၊ အားပေးခြင်း၊ ထောက်ခံခြင်း ပြုလုပ်ပါက ပုဒ်မ (၅)ခုနှင့် သေဒဏ်ချ နိုင်ကြောင်း စစ်ကောင်စီ ပြောခွင့်ရ ဗိုလ်ချုပ်ဇော်မင်းထွန်းက စက်တင်ဘာ ၂၀ရက် သတင်းစာရှင်းလင်းပွဲတွင် ပြောဆိုလိုက်သည်။

အကြမ်းဖက်မှု အတွက် ငွေကြေးထောက်ပံ့မှုပေးခြင်း၊ အားပေးကူညီခြင်း နှင့် အကြမ်းဖက်အဖွဲ့အစည်းမှ ရောင်းချသည့် ငွေတိုက်စာချုပ်ဝယ်ယူခြင်း၊ ထီကံစမ်းခြင်း၊ Online ပေါ်တွင် ငွေကြေးထည့်ဝင်လှူဒါန်းခြင်း၊ ငွေကြေး ထောက်ပံ့ ကူညီခြင်း တို့ လည်း အကျူံးဝင်ကြောင်း စစ်ကောင်စီ ပြောခွင့်ရ က ဆိုသည်။

အဆိုပါ PDF၊ NUG၊ CRPH တို့၏ စာမျက်နှာပေါ်တွင် ထောက်ခံထားခြင်း ဗီဒီယို၊ ပုံများကို LIKE ပေးခြင်းများ ပြုလုပ်ပါက ရာဇာသတ်ကြီး ပုဒ်မ ၁၂၄ (ခ) နှင့်အရေးယူဆောင်ရွက်မည်ဖြစ်ကြောင်း စစ်ကောင်စီက ဆိုသည်။

အဆိုပါ ပြည်သူ့ကာကွယ်ရေး PDF တပ်ဖွဲ့ကို တစ်ကျပ်တစ်ပြား လှူသန်းပေးပါက စစ်ကောင်စီတပ်ဖွဲ့က ပုဒ်မ (၅) ခုနှင့် သေဒဏ်အထိချမှတ်ခြင်းမှာ ခြိမ်းခြောက်မှု သာဖြစ်ပြီး အဆိုပါ ပြုလုပ်ပါက လက်ရှိ တော်လှန်ရေးဟာ ဒီအဆင့်ရောက် မလာနိုင်ကြောင်း ပြည်သူ့ကာကွယ်ရေး ထောက်ပံ့နေသူ လူငယ်တစ်ဦးက သျှမ်းသံတော်ဆင့်ကို ပြောသည်။

“ ဒါဟာ ခြိမ်းခြောက်မှုသက်သက်ပဲ ဖြစ်တယ်။ အခုချိန်မှာ တော်လှန်ရေးဟာ စစ်ကောင်စီကို ပြုလည်ခုခံ တော်လှန်တဲ့အဆင့်ရောက်နေပြီ။ တော်လှန်ဖို့လက်နက်၊ ခဲယမ်း လိုသလို ကျနော်တို့လည်း ထောက်ပံ့နေမယ်။ ကိုယ်ဘယ်သူ့ကိုထောက်ပံ့တယ်ဆိုတာလည်း ကြွားပြနေတာမဟုတ်တဲ့အတွက် ဘာကိုမှမစိုးရိမ်ပါဘူး “ ဟု ၎င်း လူငယ်တစ်ဦးက ပြောသည်။

ဆက်လက်ပြီး လူငယ်တစ်ဦးက “ PDF တပ်ဖွဲ့ရဲ့ စာမျက်နှာပေါ်မှာပုံတွေ LIKE ပေးလို့ ရာဇသက်ပုဒ်မနဲ့ တရားစွဲမယ်ဆိုတာက ဖုန်းထဲရှိတာလေ။ အခုထောက်ပံ့တဲ့တွေက အပြင်သွားတဲ့အခါကြရင် ဖုန်းတော့မယူနဲ့ပေါ့။ ဖုန်းမပါသွားရင် သူတို့ဘယ်လို စစ်မှာလဲ “ ဟု ဆိုသည်။

ထို့အပြင် ပုဒ်မ (၅) ခုမှာ ရာဇသတ်ကြီး ဉပေဒေပုဒ်မ ၁၂၄ (က)၊ အကြမ်းဖက်မှု တိုက်ဖျက်ရေး ဉပေဒေပုဒ်မ ၅၂ (က)၊ ပုဒ်မ (၅၄)၊ပုဒ်မ ၅၀၅ (က) နှင့် ဆက်သွယ်ရေး ဉပေဒေပုဒ်မ ၃၃ (က) တို့ဖြင့် အရေးဆောင်ရွက်မည် ဖြစ်ကြောင်း သိရသည်။