Saturday, December 3, 2022

လားရှိုးမြို့ ယာဥ်ထိန်းရဲ အနီး ဗုံးပေါက်ကွဲမှုဖြစ်

Must read

သျှမ်းပြည်မြောက်ပိုင်း လားရှိုးမြို့ ယာဥ်ထိန်းရဲရုံး အနီးတွင် ဗုံးပေါက်ကွဲမှု တစ်ကြိမ် နှင့် လားရှိုးမြို့အဝင် မုခ်ဦးအနီးက စစ်ကောင်စီ တပ်စခန်း (ကညန) တွင် တစ်ကြိမ် ဗုံးပေါက်ကွဲမှု ဖြစ်ပွားခဲ့ကြောင်း သတင်းသိရသည်။

ယမန်နေ့ (စက်တင်ဘာ ၁၈) ရက် ည ၇ နာရီခွဲဝန်းကျင်တွင် လားရှိုးမြို့ ယာဥ်ထိန်းရုံးအနီး ဗုံးပေါက်ကွဲမှု ဖြစ်ပွားခဲ့ပြီး ကားနှစ်စီး ပျက်စီးခဲ့ကြောင်း သတင်း သိရသည်။

“ယာဥ်ထိန်းရုံး အနီးမှာ ဗုံးပေါက်ကွဲမှုဖြစ်တော့ စစ်သား နဲ့ ရဲတွေ တော်တော်များများက အဲ့ဘက်ကို သွားပြီး လုံခြုံရေးတွေ ၊ စစ်ဆေးရေးတွေလုပ်ခဲ့တယ်၊ ရဲကား နှစ်စီး ထိခိုက်သွားတယ်လို့လည်း သိရတယ်၊ ဘယ်သူ လုပ်မှန်းတော့ မသိရဘူး” ဟု အမည်မဖော်လိုသူ လားရှိုးမြို့ ဒေသခံ တစ်ဦးက သျှမ်းသံတော်ဆင့်ကို ပြောသည်။

ဗုံးပေါက်ကွဲမှုဖြစ်ပွား

အဆိုပါ ဗုံးပေါက်ကွဲမှု ဖြစ်ပွားပြီးနောက် ၈ နာရီဝန်းကျင်လောက်တွင် လားရှိုးမြို့အဝင် မုခ်ဦးအနီးက စစ်ကောင်စီတပ်စခန်း (ကညန) အနီးတွင်လည်း ဗုံးတစ်လုံးထပ်မံပေါက်ကွဲပြီး ထိခိုက်မှု မရှိကြောင်းလည်း သတင်းသိရသည်။

သျှမ်းပြည်မြောက်ပိုင်း ရပ်ကွက် (၁) ရှိ ယာဥ်ထိန်းရုံး အပါအဝင် မြို့အဝင် နှင့် စစ်ကောင်စီ တပ်စခန်း (ကညန) များတွင် စက်တင်ဘာ (၁၈) ရက် ည ပိုင်း၌ ဖောက်ခွဲမှု ပြုလုပ်ခဲ့သည်ဟု သျှမ်းပြည်မြောက်ပိုင်း မဟာမိတ်တပ်ရင်း (NSSAA) က ယနေ့ စက်တင်ဘာ (၁၉) ရက်မှာ ထုတ်ပြန်ချက် ထုတ်လာခဲ့သည်။

ယခုရက်ပိုင်းတွင် လားရှိုးမြို့အတွင်း၌ သူခိုးလုယက်သူများ သောင်းကျန်းနေသော်လည်း သက်ဆိုင်ရာ တာဝန်ရှိသူများ နှင့် လုံခြုံရေးတပ်ဖွဲ့ဝင် စစ်သားနှင့် ရဲတို့ကလည်း ပြည်သူများအတွက် လုပ်ဆောင်ပေးခြင်း မရှိကြောင်း သတင်းသိရသည်။

Leave a Comments

- Advertisement -spot_img

Latest article