Saturday, December 3, 2022

တာချီလိတ် – မယ်ဆိုင် ချောင်းဘေး အမျိုးသားတစ်ဦး ငါးမျှားရင်း ပျောက်ဆုံးနေ

Must read

သျှမ်းပြည်အရှေ့ပိုင်း တာချီလိတ်မြို့မှ အသက် (၄၄) နှစ် အရွယ်ရှိ အမျိုးသားတစ်ဦးသည် မယ်ဆိုင်ချောင်းဘေးတွင် ငါးမျှားနေရင်း မတော်တဆ ချောင်းထဲချော်ကျသွားပြီး ပျောက်ဆုံးနေကြောင်း စုံစမ်းသိရှိရသည်။

ဖြစ်စဉ်မှာ ယမန်နေ့ (စက်တင်ဘာ ၁၇ ) ရက် ညနေ (၄) နာရီကျော်တွင် အသက် (၄၄) နှစ်ရှိ ကိုထွန်းထွန်းဝင်း ဆိုသူသည် ဆိုင်ဆန်း (ခ) ရပ်ကွက်အတွင်း 1G1 ဟိုတယ်နောက်ရှိ မယ်ဆိုင် ချောင်းဘေးတွင် ငါးမျှား လိုက်ရှာရင်း ချောင်းထဲသို့ ချော်ကျသွားကာ ပျောက်ဆုံးနေကြောင်း တာချီလိတ် ဦးလှမိုး ပရဟိတ အသင်းမှ တာဝန်ရှိသူ တစ်ဦးက သျှမ်းသံတော်ဆင့်ကို ပြောသည်။

ထိုချောင်းထဲ ချော်ကျသွားပြီး ပျောက်ဆုံးနေသည့် ကိုထွန်းထွန်းဝင်းကို ယနေ့ အချိန်ထိ အလောင်းရှာမတွေ့ သေးပေ။

ပျောက်ဆုံးနေသူကို ရှာဖွေနေခြင်း

“မနေ့က ညနေပိုင်းမှာ ငါးမျှားလိုက်ရင်း ချောင်းထဲကို ချော်ကျသွားတာ။ ချောင်းက ရေကြီးရေလျှံဖြစ်တော့ ချောင်းကမ်းဘေးနားမှာ ရွံ့၊ နွံ တွေ ကျန်ရစ်တာရယ်။ အဲ့ကြောင့် သူက ချောင်းထဲကို ချော်ကျသွားတယ်။ အခုချိန်က မိုးရာသီ မယ်ဆိုင် ချောင်းရေလည်း ရေစီးသန်တယ်။ ဒီနေ့ မနက်ပိုင်းထိ အလောင်းရှာလို့ မတွေ့သေးဘူး “ ဟု ၎င်း ကပြောသည်။

အဆိုပါ အသက် (၄၄) နှစ်ရှိ ကိုထွန်းထွန်းဝင်းသည် တာချီလိတ်မြို့ ရန်အောင်မြေ ရပ်ကွက် အတွင်း ပါလျှံ (၂) တွင် နေထိုင်သူဖြစ်ကြောင်း ထို ချောင်းဘေးတစ်လျောက် အလောင်းကို တွေ့ရှိပါက တာချီလိတ် ဦးလှမိုး လူမှုကူညီရေး အသင်းထံသို့ အကြောင်းစေလိုကြောင်း သိရသည်။

ယခုကာလတွင် တာချီလိတ် – မယ်ဆိုင် ချောင်းရေသည် တောင်ပေါ်မှ စီးဆင်းထားသော မိုးရေကြောင့် ရေစီးသန်ပြီး ချောင်း၏ ကမ်းဘေးနှစ်ဖက်တွင်လည်း ရေကြီးရေလျှံဖြစ်ပွား၍ ရွံ့၊ နွံ များလည်း ကျန်ရစ်နေသေးသဖြင့် မယ်ဆိုင် ချောင်းနှဘေးမှ ငါးမျှားလိုက်ခြင်း မပြုလုပ်ရန် လိုအပ်ကြောင်း ၎င်းကထပ်လောင်းပြောသည်။

Leave a Comments

- Advertisement -spot_img

Latest article