သျှမ်းပြည်မြောက်ပိုင်း သိန္နီမြို့တွင် ဆိုင်ကယ်သူခိုးကို ပြည်သူကဝိုင်းဝန်း ဖမ်းဆီးပြီး ရိုက်နှက်လိုက်သောကြောင့် ဆေးရုံတွင် ဆေးကုသနေကြောင်း စုံစမ်းသိရှိရသည်။
ယမန်နေ့ ဩဂုတ် ၁ ရက် သိန္နီမြို့ ဈေးအရှေ့ဘက်တန်းတွင် ဆိုင်ကယ်လာခိုးသူ ၂ ဦးကို ပြည်သူတို့က ဝိုင်းဝန်းဖမ်းဆီးလိုက်ကြောင်း သိရသည်။
“မနေ့က ကျနော်တို့ ၂ ယောက်ဖမ်းမိတာ။ သူတို့ကို ပြည်သူတွေကပဲ ဝိုင်းဝန်းပြီးဖမ်းလိုက်ကြတာ။ သူခိုးဘက် တစ်ယောက်က ဓားပါတော့ ပြည်သူတွေဘက်က တုတ်နဲ့ရိုက်လိုက်တာခေါင်းပေါက်သွားတာ။ ကျန်တဲ့တစ်ယောက်တော့ ဘာမှသိပ်မဖြစ်ဘူး” ဟု သိန္နီမြို့ ဒေသခံ အမျိုးသားတစ်ဦးက ပြောသည်။
အဆိုပါ သူခိုးအဖွဲ့များသည် ၄ ဦးရှိပြီး လက်ရှိမှာ ၂ ဦးသာဖမ်းဆီးခဲ့ပြီး ထို ၂ ဦးသည် လက်ရှိမှာ တစ်ဦး ဆေးရုံတွင်ရောက်ရှိနေပြီး ကျန်တစ်ဦးက ရဲစခန်းတွင် ပို့ဆောင်ထားကြောင်းသိရသည်။
“ သူတို့ အဖွဲ့ ၄ ယောက်ရှိတယ်။ အဲ့ထဲမှာ မိန်းကလေးတစ်ယောက်ပါတယ်။ အခုက ကျနော်တို့ ၂ ယောက်ဖမ်းမိထားတာ။ တစ်ယောက်ကတော့ ဆေးရုံမှရောက်နေတာ။ ကျန်တဲ့တစ်ယောက်ကတော့ ရဲစခန်းထဲရောက်နေတာ” ဟု သူခိုးကိုလိုက်ဖမ်းခံသည့် သူက ပြောသည်။
သိန္နီမြို့သည် ပြီးခဲ့သည့် ၃ လအတွင်းမှစပြီး ဆိုင်ကယ်၊ ကားသူခိုးများပြားလာပြီး အဆိုပါ သူခိုးများဖမ်းဆီးရမိခြင်းသည် ပထမဆုံးအကြိမ် ဖမ်းဆီးမိကြောင်း သိရသည်။
စစ်ကောင်စီက အာဏာသိမ်းပြီးနောက်ပိုင်း မြန်မာနိုင်ငံတွင် သူခိုး၊ လောင်းကစား များနှင့် မူးယစ်ဆေးဝါးသုံးစွဲမှု များလာသဖြင့် ယခုလို သူခိုး၊လုယက်မှုများလာခြင်းဖြစ်ကြောင်းသိရသည်။
Leave a Comments