သျှမ်းပြည်မြောက်ပိုင်း မူဆယ်ခရိုင် မူဆယ် – နမ့်ခမ်း ခရီးသွားပြည်သူများကို တအာင်း (ပလောင်) လွတ်မြောက်ရေးတပ်မတော် (TNLA) တပ်ဖွဲ့မှ အခွန်ကောက် နေကြောင်း စုံစမ်းသိရှိရသည်။
ယနေ့ ဇူလိုင် (၁၉) ရက် မနက် ၇ နာရီ ၄၀ မိနစ်က မူဆယ် – နမ့်ခမ်းရှိ နမ့်စန့် ဂိုဒေါင်ကျေးရွာတွင် အိမ်စီးကားများ ခရီးသည်တင်ကားများကို TNLA မှ အခွန်ကောက်နေကြောင်း သိရသည်။
“သူတို့အင်အား (၃၀) လောက်ရှိမယ်။ လမ်းမကြီးတွေမှာ လုံခြုံရေးယူထားတာတွေလည်းရှိတယ်။ ခရီးသွားလာသူတွေကို စစ်ဆေးမေးမြန်းမှု တင်းကြပ်တာတွေ ပြုလုပ်ပြီး ငွေကြေးတောင်းခံနေကြတယ်။ အိမ်စီးကားဆိုရင် (၅) သောင်းပေးရပြီး ကုန်တင်ကားဆိုရင် (၂) သိန်းလောက်ပေးရတယ်” ဟု ခရီးသွား ပြည်သူ တစ်ဦး က သျှမ်းသံတော်ဆင့် ကိုပြောသည်။
သျှမ်းပြည်မြောက်ပိုင်း မူဆယ်၊ နမ့်ခမ်းသည် တိုင်းရင်းသားလက်နက်ကိုင်များ လှုပ်ရှားရာ နယ်မြေဖြစ်ပြီး မကြာခဏ ပြည်သူများထံ အခွန်ကောက်နေမှုများ ပြုလုပ်သည့်အတွက် ပြည်သူများ အခက်ခဲ ကြုံတွေ့နေရသည်။
Leave a Comments