သျှမ်းပြည်မြောက်ပိုင်း မုံးကိုးမြို့နယ်တိုက်ပွဲမှ သူရဘွဲ့ ရရှိသည့် ဒု တပ်ကြပ် ရဲတပ်သား တစ်ဦးသည် CDM ပြုလုပ်လာကာ အာဏာသိမ်း စစ်ကောင်စီကို ဆန့်ကျင်တော်လှန်မှု ပြုလုပ်လာခဲ့ကြောင်း သိရသည်။
မုံးကိုးဒေသအတွင်းတွင် တာဝန်ကျစဉ် MNDAA ကိုးကန့်တပ်စခန်း ဖြစ်သည့် ပွိုင့် (၄၅၂၇) နှင့် သံခမောက်ကုန်း စခန်းတို့ကို တိုက်ခိုက်သိမ်းယူခဲ့သည့် အတွက် အာဏာသိမ်း စစ်ကောင်စီဘက်မှ သူရဘွဲ့ချီးမြှင့်ပေးခဲ့သူ ဖြစ်သည်။
CDM ပြုလုပ်လာသည့် ဒုတပ်ကြပ် ရဲ တပ်သား သည် ဦးဇေယျာ အသက် ၃၀ ဝန်းကျင်ဖြစ်ပြီး စစ်သက်တမ်း ၁၃ နှစ် ရှိနေပြီဖြစ်ကြောင်းလည်း သိရသည်။
၎င်းသည် စစ်မှုထမ်း သက် ၁၃ နှစ်အပြီး ရဲဌာနဘက်သို့ ပြောင်းရွှေ့ခြင်းခံရပြီးနောက် ၂၀၁၈ ခုနှစ်တွင် ရန်ကုန်တိုင်း၊ လှော်ကား ရဲတပ်ရင်းအမှတ် (၈) တွင် သင်တန်းပြီးမြောက် အောင်မြင်ကြောင်း၊ ရခိုင်ပြည်နယ်၊ မောင်းတောမြို့နယ် ရဲ တပ်ရင်းအမှတ် (၆) တွင်တာဝန်ထမ်းဆောင်ခဲ့သည်။
ထို့ပြင် ၂၀၂၁ခုနှစ် ဩဂုတ်လ (၂၁) ရက်မှ စတင်၍ ဖာပွန်မြို ရဲလုံခြုံရေးဌာနတွင် ဒု-တပ်ကြပ် ရဲတပ်သား အဆင့်ဖြင့် တာဝန်ထမ်းဆောင်ခဲ့ကြောင်း သိရသည်။
လက်ရှိတွင် V8-63 အမျိုးအစား မောင်းပြန်ရိုင်ဖယ်တစ်လက်၊ ကျည် (၁၁၄)တောင့်၊လက်ပစ် ဗုံး ၂ လုံးနှင့် ဓားမြောင် ၂ လက် ယူဆောင်လာပြီး ကရင်အမျိုးသားအစည်းအရုံး၊ မူတြော်ခရိုင်၊ အမှတ် (၅) တပ်မဟာ ထံသို့ ရောက်လာကာ လက်နက်ချ အလင်းဝင်လာခဲ့ကြောင်း သိရှိရသည်။
Leave a Comments