သျှမ်းပြည်မြောက်ပိုင်း မူဆယ်မြို့ရှိ မင်္ဂလာမူဆယ်အနီးပတ်၀န်းကျင်တွင် ယမန်နေ့ (ဧပြီ ၁၄)ရက် သင်္ကြန်အကျနေ့ တွင် ဗုံးပေါက်ကွဲမှု ဖြစ်ပွားခဲ့ပြီး လူထိခိုက်မှုရှိခဲ့ကြောင်း စုံစမ်းသိရသည်။
“ မနေ့က နေ့လည် မင်္ဂလာမူဆယ်မှာ ဗုံးပေါက်ကွဲမှုဖြစ်ခဲ့တယ်။ လူထိခိုက်မှု ၂ယောက်ရှိတယ်လို့ ပြောတယ်။ တယောက်ကတော့ ကျနော်တို့ စယ်လန့်က ကလေးပါ။လက်ထိတယ်။ နောက်တယောက်ကတော့ ခြေထောက်ထိတယ် ပြောတယ်” ဟု မူဆယ်မြို့နယ် စယ်လန့် ဒေသခံ လူငယ် အမျိုးသားတစ်ဦးက သျှမ်းသံတော်ဆင့်ကို ပြောသည်။
မူဆယ်မြို့တွင် ရေကစားသည့် ပြည်သူများ မရှိသလောက်နည်းပါးကြောင်း သိရသည်။
“ မူဆယ်မှာက ရေးကစားတာ မရှိသလောက်ပဲ။ ရပ်ကွက်တွေမှာလည်း ရေမဆော့ဘူး။ ဘုန်းကြီးကျောင်းတက် ဘုရားရေသပ္ပာယ်တာတော့ရှိတယ်” ဟု မူဆယ်ဒေသခံ အမျိုးသားတစ်ဦးက ပြောသည်။
ယခုနှစ် စစ်ကောင်စီ မှ ပြုလုပ်သည့် သင်္ကြန်ပွဲကို ပြည်သူများအနေဖြင့် သွားရောက်မဆော့ရန်နှင့် စစ်အာဏာရှင် ဆန့်ကျင်တော်လှန်သည့် သူများက တော်လှန် သင်္ကြန်ပြုလုပ်ရန် လည်း တိုက်တွန်းလှုံ့ဆော်လိုက်သည်။
Leave a Comments