သျှမ်းပြည်မြောက်ပိုင်း လားရှိုးမြို့ အမှတ် (၁၀) စစ်ဆေးရုံတပ်ရင်းရှေ့တွင် ယာဥ်တိုက်မှုဖြစ်ပွားပြီး အမျိုးသားတစ်ဦး ပြင်းထန်စွာ ထိခိုက်ဒဏ်ရာရရှိသွားကြောင်း သတင်းသိရသည်။
လားရှိုးမြို့ အမှတ် (၁၀) စစ်မြေပြင် ဆေးရုံတပ်ရင်းရှေ့တွင် မြေသယ်ကားနှင့် သုံးဘီးယာဥ်တိုက်မှု ဖြစ်သွားပြီး သုံးဘီးမောင်းသူ ဒဏ်ရာပြင်းထန်စွာ ဒဏ်ရာရရှိသွားသဖြင့် လားရှိုးမြို့ ပြည်သူ့ဆေးရုံသို့ ပို့ဆောင်ပေးလိုက်ရကြောင်း လားရှိုးမြို့ လူငယ်များ လူမှုကူညီရေးအသင်းမှ အဖွဲ့ဝင်တစ်ဦးက သျှမ်းသံတော်ဆင့်ကို ပြောသည်။
“သုံးဘီးဆရာက ဒဏ်ရာတော်တော်ပြင်းထန်ပါတယ်၊ ဖြစ်စဥ်အသေးစိတ်တော့ကျနော်တို့ မသိရပါဘူး၊ ကျနော် တို့ရောက်သွားတဲ့အချိန် ယာဥ်ထိန်းရဲတွေလည်း ရောက်နေတယ်၊ လူနာအခြေအနေက အတော်ကို ပြင်းထန်နေလို့ လားရှိုးဆေးရုံကြီးကို ပို့ပေးလိုက်ရတယ်” ဟု လူမှုကူညီရေးအသင်းမှ အဖွဲ့ဝင်တစ်ဦးက သျှမ်းသံတော်ဆင့်ကို ပြောသည်။
လားရှိုးမြို့နယ်အတွင်းတွင် ယာဥ်တိုက်မှုများ မကြာခန ဖြစ်ပွားလေ့ရှိပြီး ယင်းကဲ့သို့ ဖြစ်စဥ်များကြောင့် အသက်ဆုံးရှုံးရသူများလည်း နေ့စဥ်နီးပါးရှိနေကြောင်း လူမှုကူညီရေးအသင်းမှ အဖွဲ့ဝင်များက ပြောသည်။
Leave a Comments