လားရှိုးမြို့တွင်း စစ်ကောင်စီမှ ပစ္စည်း (၁၉) မျိုး ကုန်တင်ပို့မှု မပြုလုပ်ရန် လက်ကမ်းစာစောင်ဖြန့်ဝေ

0

သျှမ်းပြည်မြောက်ပိုင်း လားရှိုးမြို့တွင် စစ်ကောင်စီမှ ပစ္စည်း (၁၉) မျိုး ကုန်တင်ပို့မှု မပြုလုပ်ရန်အတွက် ကားဂိတ်များတွင် လမ်းကမ်စာစောင်များကို လိုက်လံ ဖြန့်ဝေနေကြောင်း စုံစမ်းသိရှိရသည်။

ယနေ့ ဇန်နဝါရီ (၂၁)တွင် စစ်ကောင်စီမှ လားရှိုးမြို့ ကားဂိတ်များတွင် ယခုလက်ရှိ နိုင်ငံရေးအခြေအနေနှင့် ပတ်သတ်ပြီး လျှပ်စစ်ပစ္စည်းများဆက်စပ်သည့်ကုန်များကို မတင်ပို့ရန်အတွက် လိုက်လံတားမြစ်နေလျက်ရှိကြောင်းသိရသည်။

“ ဟုတ်တယ်။ ဒီနေ့မနက် စစ်ကောင်စီတွေက လက်ကမ်းစာစောင်လိုက်ဝေပေးနေတာ။ ကုန်တင်သမားတွေ ပစ္စည်း (၁၉) မျိုးကို မတင်ပို့ရဘူးတဲ့။ အခု လက်ရှိအခြေနဲပတ်သတ်ပစ္စည်းတွေပေါ့။ လျှပ်စစ်ပစ္စည်းတွေပါတယ်”ဟု လားရှိုးမြို့ ကားသမားတဦးက ပြောသည်။

ထိုပစ္စည်း (၁၉) မျိုးသည် ဖုန်း၊ CCTV ၊ Drone၊ ကင်မရာ၊ ဘတ်ထရီ၊ မှန်ဘီလူး၊ ဓာတ်မီး၊ စကားပြောစက်၊ မီးကြိုး၊ ရွှေထည်ပစ္စည်း၊ ကော်ပစ္စည်း၊ စတီး၊ ယမ်းမှုန့်၊ ပျောက်ကြား တူညီဝတ်စုံ နှင့် ကုန်ခြောက်များကို တင်းပို့ခွင့် မပြုကြောင်း သိရသည်။

အလားတူ သျှမ်းပြည်တောင်ပိုင်း ရှိ မြို့တချို့ တွင်လည်း ကုန်တင်မှုကို ရပ်ဆိုင်လိုက်ပြီး ခရီးသည်များကိုသာ တင်လာကြောင်း သိရသည်။

“ ကုန်ပစ္စည်းတွေကို တင်သွားရင် စစ်ကောင်စီ အသေးစိတ် စစ်ဆေးတယ်။ မေးမြန်းတယ်။ သူတို့ဖောက်စစ်တယ်။ ဖောက်စစ်ပြီးတော့လည်း ပြန်မကောက်ပေးဘူး။ ကိုယ်ကိုပြန်ကောက်ယူရတယ်။ ဘယ်နားကနေ ပစ္စည်းယူလာတာလဲ အစ မေးတာ။ ဒါကြောင့် ကျနော်တို့ လူကိုပဲ သီးသန့်တင်တော့တယ်” ဟု တောင်ကြီးမြို့ ကားသမားတစ်ဦးက ပြောသည်။

အဆိုပါ စစ်ကောင်စီက စစ်ဆေးမှုတင်းကြပ်ခြင်းသည် ပြည်သူ့ကာကွယ်ရေးတပ်ဖွဲ့ PDF များနှင့် အဆက်သွယ်ပြုလုပ် မှာကို ကြောက်သောကြောင့် စစ်ဆေးမှုပို တင်းကြပ်လာကြောင်း၊ စစ်ဘေးရှောင်များကို ကူညီပေးနေသည့် အမျိုးသားတဦးက ပြောသည်။

“ စစ်ကောင်စီတွေက ကုန်ပစ္စည်းတွေကို မတင်ဖို့ တားမြစ်တာက PDF တွေကို ကူညီပေးမှာကြောက်တာ။ စစ်ရှောင်တွေကို ကူညီဖို့ ပစ္စည်းတွေကို ဆိုရင်လည်း သူတို့က ဖျက်ဆီးတာပဲ။ ဒါကြောင့်လည်း ကားသမားတွေက ခဏခဏ စစ်ဆေးမှုခံနေရတာ” ဟု သျှမ်းပြည်တောင်ပိုင်းအတွင်း စစ်ရှောင်များကို ကူညီပေးနေသည့် အမျိုးသားတဦးက ပြောသည်။

စစ်ကောင်စီတို့သည် PDF တပ်ဖွဲ့ နှင့် စစ်ရှောင်များကို အကူညီ မရရှိစေနိုင်ရန်အတွက် ဖြတ် (၄) ဖြတ်ပုံစံဖြင့် ပြုလုပ်လာနေလျက်ရှိကြောင်းသိရသည်။

Leave a Comments