Monday, July 22, 2024

ကရင်နီဘက်မှ ဆီဆိုင်မြို့နယ်သို့ စစ်ရှောင်လာသူများကို PNLA/PNLO ကူညီပေးနေ

Must read

သျှမ်းပြည်တောင်ပိုင်းရှိ ပအိုဝ်းအမျိုးသားလွတ်မြောက်ရေးအဖွဲ့ချုပ် (PNLO) သည် ကရင်နီဘက်မှ ဆီဆိုင်မြို့နယ် အတွင်းသို့ စစ်ရှောင်လာသည့် ပြည်သူများကို ကူညီပေးနေကြောင်း စုံစမ်းသိရသည်။

ယနေ့ ဇန်နဝါရီ ၁၁ရက်နေ့တွင် ဆီဆိုင်မြို့နယ်အတွင်း စစ်ဘေးရှောင်လာသော ကရင်နီမှ ပြည်သူများကို PNLO/PNLA တို့က ဆန်၊ ဆီ၊ ဆား နှင့် လူသုံးကုန်ပစ္စည်းတချို့ ကူညီပေးခဲ့ကြောင်းလည်း သိရသည်။

“ကျနော်တို့ကနေ တတ်နိုင်သမျှကူညီသွားဖို့ရှိပါတယ်၊ နောက်ပြီးတော့ တခြားအလှူရှင်တွေကိုလည်း ပါဝင်လာနိုင်အောင် စစ်ရှောင်တွေအတွက်အကူအညီရနိုင်အောင် ကူချိတ်ပေးမယ်၊ အဓိကကတော့ ကျနော်တို့ ပအိုဝ့်တိုင်းရင်းသားတွေကလည်း အမှန်တရားဘက်ရပ်တည်နေတယ်ပေါ့” ဟု PNLO မှ အဖွဲ့ဝင် တစ်ဦးက သျှမ်းသံတော်ဆင့်ကို ပြောသည်။

PNLO တွင် ဗိုလ်မှူးကြီး ခွန်ဥက္ကာ ၊ ခွန်သူရိန် နှင့် ခွန်မြင့်ထွန်းတို့ ဦးဆောင်ပြီး ၂၀၁၅ ခုနစ် အောက်တိုဘာ ၁၅ ရက်တွင် တနိုင်ငံလုံးပစ်ခတ်တိုက်ခိုက်မှုရပ်စဲရေး သဘောတူ စာချုပ် (NCA)၌ ပါဝင်လက်မှတ် ရေးထိုးခဲ့သည့် တိုင်းရင်းသားလက်နက်ကိုင် တပ်ဖွဲ့တစ်ခုလည်း ဖြစ်သည်။

Leave a Comments

- Advertisement -spot_img

Latest article