Thursday, December 1, 2022

မောက်မယ် ကျောင်းများ ပြန်ဖွင့် ကျောင်းတက်သူ နည်းပါး

Must read

သျှမ်းတောင် မောက်မယ်မြို့နယ်ရှိ စစ်ကောင်စီလက်အောက်ခံ စာသင်ကျောင်းများကို ပြန်လည်ဖွင့်လှစ်သော်လည်း ကျောင်းတက်သူ နည်းပါးကြောင်း သတင်းသိရသည်။

အဆိုပါ ကျောင်းများကို ယနေ့ (ဒီဇင်ဘာ ၁၃)ရက်နေ့တွင် စတင်ဖွင့်လှစ်ခဲ့တာဖြစ်ပြီး ကိုဗစ်ရောဂါ ကူးစက်ခံမှာစိုးရိမ်သည့်အတွက် ကျောင်းသို့ မလွှတ်သေးကြောင်း ကျောင်းသားမိဘတစ်ဦးက ပြောသည်။

“ကိုဗစ် ကူးမှာကြောက်လို့ မလွှတ်ရဲသေးဘူး၊ အခြေနေ စောင့်ကြည့်ဦးမယ်၊ ခုက ရောဂါလည်း သိပ်မငြိမ်သေးဘူး၊ စိုးရိမ်ရသေးတယ်၊ ကျောင်းသွားတဲ့သူလည်း နည်းတယ်” ဟု မောက်မယ်မှ ကျောင်းသားမိဘ တစ်ဦးက သျှမ်းသံတော်ဆင့်ကို ပြောသည်။

လက်ရှိတွင် ငွေကြေးတတ်နိုင်သည့် မိဘများက ၄င်းတို့ သားသမီးများအား အွန်လိုင်းပေါ်မှ သင်ကြားမှုတွေ ပြုလုပ်ပေးနေကြောင်း သိရသည်။

ထို့အပြင် ယခုလို ကျောင်းများ ပြန်လည်ဖွင့်လှစ်ခြင်းသည် မြန်မာနိုင်ငံတွင် ပုံမှန် အခြေနေပြန်ဖြစ်နေပြီ ဆိုသည့်အကြောင်း နိုင်ငံတကာသို့ ချပြလိုသည့် ရည်ရွယ်ချက်ဖြင့်သာ လုပ်ဆောင်နေတာဖြစ်ကြောင်း ဒေသခံတစ်ဦးက သုံးသပ်ထားသည်။

“ကျောင်းတွေ ပြန်ဖွင့်တယ်ဆိုတာ မြန်မာနိုင်ငံမှာ ပုံမှန်ပြန်ဖြစ်နေပြီဆိုတာကို နိုင်ငံတကာကို သိစေချင်လို့၊ ဖာနိုင်သလောက် ဖာတဲ့ သဘောပေါ့။ ပြီးခဲ့တဲ့ ၁၀ ရက်နေ့က သက်သေပဲ။ လမ်းပေါ်မှာ လူတွေ မရှိတာကို အရင်ပုံတွေ ချပြပြီး ပေါ်တင်လိမ်နေတာ” ဟု ဒေသခံ အမျိုးသားတစ်ဦးက ပြောသည်။

မောက်မယ်မြို့နယ်အတွင်းရှိ စာသင်ကျောင်း ၅၀ ကျော်ကို ယနေ့ ပြန်လည်ဖွင့်လှစ်လိုက်တာဖြစ်ကြောင်း သိရသည်။

Leave a Comments

- Advertisement -spot_img

Latest article