သျှမ်းပြည် အရှေ့ပိုင်း မိုင်းတုံမြို့နယ် “ဝ” အမျိုးသားပါတီ (WNP)မှ ၂၀၂၀ရွေးကောက်ပွဲ အနိုင်ရ လွှတ်တော် ကိုယ်စားလှယ် ဒေါက်တာ အမ်ဇော်လတ်(ခ) ဆမ်မာကို့စ် ကို အာဏာသိမ်းစစ်ကောင်စီ က အမှုဖွင့်အရေးယူထားကြောင်း သတင်းရရှိသည်။
ဒေါက်တာ အမ်ဇော်လတ်သည် ပြည်ထောင်စု လွှတ်တော်ကိုယ်စားပြုကော်မတီ (CRPH) နှင့် ပါဝင်ပတ်သက်မှုရှိနေသည် ဟုဆိုပြီး အာဏာသိမ်း စစ်တေပ်၏ စရဖ (စစ်ဖက်ရေးရာ လုံခြုံရေး အဖွဲ့) က အကြမ်းဖက်မှု တိုက်ဖျက်ရေးဥပဒေ ပုဒ်မ-၅၂ (က)ဖြင့် အမှုဖွင့်လိုက်ကြောင်း WNPပါတီမှ အမည်မဖော်လိုသည့် ပုဂ္ဂိုလ်တစ်ဦး က သျှမ်းသ့တော်ဆင့်ကိုေ ပြာသည်။
“အကြမ်းဖက်အဖွဲ့အစည်းနဲ့ ဆက်သွယ်မှု ပြုလုပ်တယ်ဆိုပြီး တပ်ကြပ်ကြီး ဆွေနိုင်ထွန်းက တရားလို ပြုပြီး ကျိုင်းတုံမြို့မရဲစခန်းမှာအမှုဖွင့် အရေးယူထားတယ်လို့ သိရတယ်၊ အကြမ်းဖက်မှုတိုက်ဖျက်ရေးဥပဒေ ပုဒ်မ – ၅၂ (က)ဖြင့် အမှုဖွင့် လိုက်တာပါ” ဟု အထက်ပါ ပုဂ္ဂိုလ်က ဆိုသည်။
ဒေါက်တာ အမ်ဇော်လတ်ကို အာဏာသိမ်းစစ်ကောင်စီကတစ်ဖက်သတ် အကြမ်းဖက်အဖြစ် သတ်မှတ်ထား သည့် NUG၊ CRPH အပါအဝင် CRPH မှ ဖွဲ့စည်းထားသည့် အဖွဲ့အစည်းများနှင့် ပါဝင်ပတ်သက်သည်ဟုဆိုကာ မိုင်းတုံတပ်ဆွယ် စရတစု(၃)၏ တပ်စိတ်(၂)မှ တပ်စိတ်မှူး တပ်ကြပ်ကြီး ဆွေနိုင်ထွန်းက တရားလိုပြုလုပ်ပြီး မိုင်းတုံမြို့မ ရဲစခန်းတွင် စက်တင်ဘာလ(၂၀)ရက်နေ့၌ (ပ)၂၂/၂၀၂၁၊ အကြမ်းဖက်မှုတိုက်ဖျက်ရေးဥပဒေ ပုဒ်မ-၅၂(က)ဖြင့် အမှုဖွင့် လိုက်ခြင်း ဖြစ်သည်ဟု သိရသည်။
ဒေါက်တာ အမ်ဇော်လတ် (ခ)ဆမ်မားကို့(စ်)သည် ၂၀၂၀ အထွေထွေ ရွေးကောက်ပွဲ တွင် မိုင်းတုံမြို့နယ် ပြည်နယ်လွှတ်တော် အမှတ်(၂) တွင် အနိုင်ရရှိခဲ့သူတစ်ဦးဖြစ်သည်။
WNP ပါတီသည် အရင်ပါတီဥက္ကဌ ဦးဆိုင်ပေါင်းနပ်မှ စစ်ကောင်စီကို ထောက်ခံကြောင်း ပါဝင်လက်မှတ်ရေးထိုးပြီး ရာထူးမှ နှုတ်ထွက်သွားပြီးနောက် WNP ၏ ဥက္ကဌနေရာ အတွက် ဒု ဥက္ကဌ ဖြစ်သည့် ဦးညီပလုပ် အား ပါတီ၏ ယာယီဥက္ကဌအဖြစ် ခန့်အပ်တာဝန်ပေးပြီး တစ်လခန့်အကြော ပါတီမှ အနိုင်ရ လွှတ်တော်ကိုယ်စားလှယ် တစ်ဦးပထမဆုံးအကြိမ် တရားစွဲဆိုခံရခြင်း ဖြစ်ကြောင်းလည်း သိရသည်။
