သျှမ်းပြည်တောင်ပိုင်း ဟိုပုံးဟိုရင်လေး ကိုဗစ်-၁၉ ရောဂါဖြင့် ပျံလွန်တော်မူသွားသော်လည်း ဈာပနာ အခမ်းအနား ကို ချက်ချင်း မပြုလုပ်သဖြင့် ဒေသခံ လူထုများ ကိုဗစ် ပြန့်ပွားလာမည်ကို စိုးရိမ်နေကြောင်း စုံစမ်းသိရှိရသည်။
စက်တင်ဘာ (၁) ရက်နေ့ မနက် ၁၁ နာရီ ၄၅ မိနစ် အချိန်မှာ ကိုဗစ်-၁၉ ရောဂါဖြင့် ပျံလွန်တော်မူသော ဟိုပုံး ကိုရင်လေးကို ညတွင်းချင်း သဂြိုလ်ရန် စီစဉ်ထားသော်လည်း ဒကာများကြား ညှိနှိုင်းသဘောတူညီမှု မရရှိကြောင်း စုံစမ်းသိရှိရသည်။
“ဒီလောက် ကိုဗစ် ဖြစ်နေတာ ဒီနေ့ ကား (၅) စီးလောက် ဟိုပုံးဘက် တက်သွားတာ ကားထဲလူ အပြည့်ပဲ။ တကယ်ကူးလာရင် ဆီဆိုင်မြို့နယ်အတွက် မတွေးဝံ့စရာပဲ” ဟု ဘန်းယဉ် ဒေသခံ တစ်ဦးကပြောသည်။
ကိုရင်လေးကို စက်တင်ဘာ (၅) ရက်နေ့ ဝါခေါင်လကွယ်အထိ ဆက်လက် ထားရှိမည်ဟု သတင်းများ ထွက်ပေါ်လာပေမယ့် ယနေ့ သြဂုတ် (၂) ရက်နေ့လည် (၃) နာရီမှာ သဂြိုလ်မည်ဖြစ်ကြောင်း သိရသည်။
“ကိုဗစ် ကူးမှာ စိုးရိမ်ရတယ်။ မြို့ထဲလာရင် မြို့ခံ လူထုက စိုးရိမ်နေတယ်။ အဲ့ပတ်ဝန်းကျင်က ကျေးလက်လူထုက ဘာကာကွယ်မှုလည်း မလုပ်ထားတော့ မြို့ထဲသွားလာနေရင် နှာခေါင်းစည်းလည်းမတပ်ကြဘူး။ ပိုးက ပျံ့မှာကို စိုးရိမ်ရတယ်။ သူ့နားနေတဲ့သူတွေလည်း နှာခေါင်းစည်း မတပ်ကြဘူး။ လက်အိတ်တွေလည်း မဝတ်ကြဘူး။ သူ့ကျောင်းကိုတော့ လော့ဒေါင်းလုပ်ထားတယ် အပြင်လူတွေ မလာအောင် သူ့တပ် နဲ့ သူလူတွေတော့ ဝင်ထွက်နေတယ်” ဟု ဟိုပုံးဒေသခံ တစ်ဦး က သျှမ်းသံတော်ဆင့် ကိုပြောသည်။
ဟိုပုံးကိုရင်လေး နှင့် ဟိုတိကျေးရွာကို ကိုဗစ်-၁၉ ထိန်းချုပ်နိုင်ရေးအတွက် မြို့နယ် ကိုဗစ်-၁၉ ရောဂါ ထိန်းချုပ်ရေး နှင့် အရေးပေါ် တုံ့ပြန်ရေး ကော်မတီက Local semi-lockdown သတ်မှတ်ထားကြောင်း စုံစမ်းသိရှိရသည်။
“သက်ဆိုင်အာဏာပိုင်တွေနဲ့ တိုင်းမှူးတွေ စီမံခန့်ခွဲရေးကောင်စီအဖွဲ့ဝင်အားလုံး စီမံခန့်ခွဲတာပေါ့နော်။ သူတို့ ဒကာတွေနဲ့ ညှိနှိုင်းပြီးတော့ သူတို့ ဆုံးဖြတ်တယ်။ အသေးစိတ်ကိုတော့ ကျနော် မသိဘူးခင်ဗျာ။ ဒေသဦးစီး နဲ့ သျှမ်းပြည်အစိုးရအဖွဲ့ဝင် မေးရင်တော့ ပိုပြီး တိကျမှာပေါ့နော်။ ကျနော်တို့ PNO ထုတ်ပြန်ထားတဲ့အတိုင်း ပျံလွန်တော်မူတာ မှန်ပါတယ်ခင်ဗျာ” ဟု PNO ပြောရေးဆိုခွင့်ရှိသူ ခွန်ကျော်ဝင်း က သျှမ်းသံတော်ဆင့် ကိုပြောသည်။
ကိုရင်လေး ပျံတော်မူသွားသည်မှာ သက်တော် (၄၈) နှစ်ရှိပြီး အသက် (၆) နှစ်မှ စတင်ပြီး သာသနာ့ဘောင်သို့ ဝင်ရောက်လာခဲ့ပြီး လက်သန်းကို ဖြတ်လှူထားပြီး ကိုရင်လေး စတင်ဝတ်ခဲ့ကြောင်းသိရသည်။
ဟိုပုံး ကိုရင်လေး ဈာပန အခမ်းအနားကို ချက်ချင်းမပြုလုပ်သည့်အတွက် ကိုဗစ်ဆက်လက်ပြန့်ပွားမည်ကို စိုးရိမ်နေကြ
သျှမ်းသံတော်ဆင့်
စက်တင်ဘာ (၂) ရက် ၂၀၂၁
သျှမ်းပြည်တောင်ပိုင်း ဟိုပုံးဟိုရင်လေး ကိုဗစ်-၁၉ ရောဂါဖြင့် ပျံလွန်တော်မူသွားသော်လည်း ဈာပန အခမ်းအနား ကို ချက်ချင်း မပြုလုပ်သဖြင့် ဒေသခံ လူထုများ ကိုဗစ် ပြန့်ပွားလာမည်ကို စိုးရိမ်နေကြောင်း စုံစမ်းသိရှိရသည်။
စက်တင်ဘာ (၁) ရက်နေ့ မနက် ၁၁ နာရီ ၄၅ မိနစ် အချိန်မှာ ကိုဗစ်-၁၉ ရောဂါဖြင့် ပျံလွန်တော်မူသော ဟိုပုံး ကိုရင်လေးကို ညတွင်းချင်း သဂြိုလ်ရန် စီစဉ်ထားသော်လည်း ဒကာများကြား ညှိနှိုင်းသဘောတူညီမှု မရရှိကြောင်း စုံစမ်းသိရှိရသည်။
“ဒီလောက် ကိုဗစ် ဖြစ်နေတာ ဒီနေ့ ကား (၅) စီးလောက် ဟိုပုံးဘက် တက်သွားတာ ကားထဲလူ အပြည့်ပဲ။ တကယ်ကူးလာရင် ဆီဆိုင်မြို့နယ်အတွက် မတွေးဝံ့စရာပဲ” ဟု ဘန်းယဉ် ဒေသခံ တစ်ဦးကပြောသည်။
ကိုရင်လေးကို စက်တင်ဘာ (၅) ရက်နေ့ ဝါခေါင်လကွယ်အထိ ဆက်လက် ထားရှိမည်ဟု သတင်းများ ထွက်ပေါ်လာပေမယ့် ယနေ့ သြဂုတ် (၂) ရက်နေ့လည် (၃) နာရီမှာ သဂြိုလ်မည်ဖြစ်ကြောင်း သိရသည်။
“ကိုဗစ် ကူးမှာ စိုးရိမ်ရတယ်။ မြို့ထဲလာရင် မြို့ခံ လူထုက စိုးရိမ်နေတယ်။ အဲ့ပတ်ဝန်းကျင်က ကျေးလက်လူထုက ဘာကာကွယ်မှုလည်း မလုပ်ထားတော့ မြို့ထဲသွားလာနေရင် နှာခေါင်းစည်းလည်းမတပ်ကြဘူး။ ပိုးက ပျံ့မှာကို စိုးရိမ်ရတယ်။ သူ့နားနေတဲ့သူတွေလည်း နှာခေါင်းစည်း မတပ်ကြဘူး။ လက်အိတ်တွေလည်း မဝတ်ကြဘူး။ သူ့ကျောင်းကိုတော့ လော့ဒေါင်းလုပ်ထားတယ် အပြင်လူတွေ မလာအောင် သူ့တပ် နဲ့ သူလူတွေတော့ ဝင်ထွက်နေတယ်” ဟု ဟိုပုံးဒေသခံ တစ်ဦး က သျှမ်းသံတော်ဆင့် ကိုပြောသည်။
ဟိုပုံးကိုရင်လေး နှင့် ဟိုတိကျေးရွာကို ကိုဗစ်-၁၉ ထိန်းချုပ်နိုင်ရေးအတွက် မြို့နယ် ကိုဗစ်-၁၉ ရောဂါ ထိန်းချုပ်ရေး နှင့် အရေးပေါ် တုံ့ပြန်ရေး ကော်မတီက Local semi-lockdown သတ်မှတ်ထားကြောင်း စုံစမ်းသိရှိရသည်။
“သက်ဆိုင်အာဏာပိုင်တွေနဲ့ တိုင်းမှူးတွေ စီမံခန့်ခွဲရေးကောင်စီအဖွဲ့ဝင်အားလုံး စီမံခန့်ခွဲတာပေါ့နော်။ သူတို့ ဒကာတွေနဲ့ ညှိနှိုင်းပြီးတော့ သူတို့ ဆုံးဖြတ်တယ်။ အသေးစိတ်ကိုတော့ ကျနော် မသိဘူးခင်ဗျာ။ ဒေသဦးစီး နဲ့ သျှမ်းပြည်အစိုးရအဖွဲ့ဝင် မေးရင်တော့ ပိုပြီး တိကျမှာပေါ့နော်။ ကျနော်တို့ PNO ထုတ်ပြန်ထားတဲ့အတိုင်း ပျံလွန်တော်မူတာ မှန်ပါတယ်ခင်ဗျာ” ဟု PNO ပြောရေးဆိုခွင့်ရှိသူ ခွန်ကျော်ဝင်း က သျှမ်းသံတော်ဆင့် ကိုပြောသည်။
ကိုရင်လေး ပျံတော်မူသွားသည်မှာ သက်တော် (၄၈) နှစ်ရှိပြီး အသက် (၆) နှစ်မှ စတင်ပြီး သာသနာ့ဘောင်သို့ ဝင်ရောက်လာခဲ့ပြီး လက်သန်းကို ဖြတ်လှူထားပြီး ကိုရင်လေး စတင်ဝတ်ခဲ့ကြောင်းသိရသည်။
Leave a Comments