Stay at home အိမ်နေကာလအဖြစ် ကြေညာထားခြင်းခံထားရသည့် သျှမ်းပြည် မြောက်ပိုင်းရှိ နောင်ချိုမြို့ နယ်တွင် ပိုးတွေ့ လူနာများအတွက် အောက်စီဂျင် အခက်အခဲ ရှိနေကြောင်း  သိရသည်။

နောင်ချို မြိုန့ယ်တွင် ကိုဗစ် – ၁၉ တတိယလှိုင်းမှ အတည်ပြုလူနာကို  ဇွန်လ ၁၆ ရက်မှ စတင်တွေ့ရှိခဲ့ခြင်း ဖြစ်ပြီး ယနေ့ သြဂုတ် ၁၈ ရက်အထိ ၂ လ ကျော်ကာလအတွင်း  ပိုးတွေ့ အတည်ပြုလူနာ (၁,၀၄၃)ဦး၊ သေဆုံးသူ ၃၇ ဉီးရှိကြောင်း နောင်ချိုမြို့ ပရဟိတ အသင်းထံမှ သိရသည်။ ထိုသို့များပြားလာသဖြင့် ဆေးဝါး ကုသမှု ခံယူနေဆဲလူနာမှ အောက်စီဂျင် အခက်အခဲကြုံတွေ့လာနေသည်ဟုလည်း ကြားသိရသည်။။

“ပိုးတွေ့လူနာတွေက များပြားလာတယ်လို့ ဆိုရမှာပါ၊ အောက်စီဂျင်ကျတဲ့ လူနာတွေကလည်း များတယ်၊ ဒီနေ့ဆို မြို့မှာ အောက်စီဂျင် မလုံလောက်လို့ လားရှိုးထိဆင်းယူရတယ်၊ ပြင်ဦးလွင်ထိလည်း ယူရတယ်၊ မြို့ထဲမှာ တော်တော်အောက်စီဂျင်လိုအပ်နေတယ်” ဟု နောင်ချိုမြို့မှ ပရဟိတ အသင်းဝင်တစ်ဦးက သျှမ်းသံတော်ဆင့်ကို ပြောသည်။

 နောင်ချိုမြို့နယ်အတွင်းမှ တွေ့ရှိသည့် ပိုးတွေ့အတည်ပြုလူနာများအနက် ရောဂါပျောက်ကင်းပြီး ဆေးရုံဆင်းခွင့်ရသူ  (၉၀၂) ဦး ၊ ကုသနေဆဲ လူနာက ၁၀၀ ကျော်သာရှိသော်လည်း အောက်စီဂျင်မလုံ လောက်ကြောင်း ကျန်းမာရေးအသိုင်းအဝိုင်းကလည်းပြောသည်။

“ဆေးမရုံမလာဘဲ အိမ်မှာ ပုန်းကုနေတာရှိတယ်။ အဲဒါတော့ စာရင်းအတိအကျ မသိရဘူး။ ရပ်ကွက်ထဲ လဲ လိုအပ်တော့ မလုံမလောက်ဖြစ်လာတာပါ” – ဟု နောင်ချိုမြို့ ဆေးရုံအသိုင်းအဝိုင်းကပြောသည်။

ယနေ့မှာလည်း နောင်ချိုမြို့မှ တစ်ဆင့် အောက်စီဂျင် ရရှိနိုင်ရေးအတွက် ပြင်ဦးလွင် နှင့် လားရှိုးသို့ သွားရောက် ယူဆောင်နေရကြောင်း ပရဟိတ အသင်းများလည်း သိရှိရသည်။

ပြီးခဲ့သည့်  ဇူလိုင် ၂ ရက်မှ စတင်ပြီး ပိုးတွေ့လူနာ များပြားသည့် နောင်ချိုမြို့နယ်ကို စစ်ကောင်စီ လက်အောက်ခံ ဖြစ်သည့် ကျန်းမာရေးနဲ့ အားကစားဝန်ကြီးဌာနက Stay at Home မြို့အဖြစ် ကြေငြာခဲ့ပါ သည်။