သျှမ်းပြည်မြောက်ပိုင်း ကျောက်မဲမြို့နယ် ပန်ဖြတ်ကျေးရွာ နှင့် ပန်ကွမ်ကျေးရွာဟောင်း မှာ RCSS/SSA နှင့် မြောက်ပိုင်း မဟာမိတ်တို့သည် ယနေ့ (သြဂုတ် ၁၇)ရက် မနက် (၅)နာရီမှ စတင်ကာ လက်ရှိချိန်ထိ တိုက်ပွဲဖြစ်ပွားနေကြောင်း အမျိုးသားတစ်ဦး ထိခိုက်ဒဏ်ရာရရှိကြောင်း စုံစမ်းသိရှိရသည်။
“ခုချိန်ထိ ရွာထဲမှာ ပစ်နေတုန်းပဲ။ အာစီ နဲ့ မြောက်ပိုင်းမဟာမိတ်တွေပဲ။ လောလောဆယ် ရွာသား တစ်ယောက်တော့ ထိထားတယ်။ သူ့ကို ဒီတိုင်းပဲ ဆေးထည့်ပေးထားသေးတယ်။ ဘာမှ လုပ်လို့မရသေးဘူး” ဟု ပန်ကွမ်ရွာဟောင်း ဒေသခံ အမျိုးသား တစ်ဦးက သျှမ်းသံတော်ဆင့် ကိုပြောသည်။
ယနေ့ တိုက်ပွဲမှာ ပန်ဖြတ်ကျေးရွာ တစ်လျောက်ရှိ ပန်ကွမ်ကျေးရွာဟောင်း၊ ပန်ကွမ် ရွာသစ် နှင့် ပန်ဖြတ်တို့ တိုက်ပွဲ ပြင်းထန်ခဲ့ကြောင်း စုံစမ်းသိရှိရသည်။
“ရွာအတွင်းထဲကို ပစ်နေတာ။ အသေးစိတ် အချက်လက်တွေ မသိရသေးဘူး။
၃ နေရာ ၄ နေရာလောက်ဖြစ်တယ်။ ပန်ဖြတ်၊ ပန်ကွမ်ရွာ(၁)၊ ပန်ကွမ်ရွာဟောင်းမှာလည်းဖြစ်တယ် အဲ့ဒီနေရာတွေ ဖြစ်နေကြတယ်” ဟု ပန်ကွမ်ရွာဟောင်း ဒေသခံ တစ်ဦးကပြောသည်။
သြဂုတ် (၁၁) ရက်နေ့ကလည်း ကျောက်မဲမြို့နယ် ပန်ဖြတ်ကျေးရွာ နှင့် ပန်ကွမ်ကျေးရွာမှာ RCSS/SSA နှင့် မြောက်ပိုင်း မဟာမိတ် တို့ တိုက်ပွဲဖြစ်ပွားခဲ့သည်။
ကျောက်မဲမြို့နယ်အတွင်း ရှမ်းပြည်ပြန်လည်ထူထောင်ရေးကောင်စီ၊ရှမ်းပြည်တပ်မတော် (RCSS/SSA) နှင့် ရှမ်းပြည်တိုးတက်ရေးပါတီ၊ရှမ်းပြည်တပ်မတော် (SSPP/SSA) နှင့် တအာင်း (ပလောင်) လွတ်မြောက်ရေးတပ်မတော် (PSLF/TNLA) တို့သည် တိုက်ပွဲမကြာခဏ ဖြစ်ပွားသည်။
ထိုတိုက်ပွဲများကြောင့် ကျောက်မဲမြို့နယ်၊ သီပေါမြို့နယ် တွင် စစ်ရှောင် (၁) ထောင်နီးပါး ရှိကာ စားဝတ်နေရေး၊ ကျန်းမာရေး ခက်ခဲနေသေးကြောင်း သိရသည်။
Leave a Comments