လဲချား ရွာသစ်ထောင်သည့် စစ်ရှောင်ကလေးများ သင်ထောက်ကူလိုအပ်နေ

သျှမ်းပြည်တောင်ပိုင်း လဲချားမြို့နယ်တွင် စစ်ရှောင်လာသည့် ဒေသခံ တစ်ချို့ ရွာသစ်ပြန်လည်ထူထောင်ရာမှာ ကလေးငယ်များကို စာပေသင်ကြားရေးအတွက် ပညာရေးသုံး သင်ထောက်ကူပစ္စည်းများလိုအပ်ကြောင်း စုံစမ်းသိရသည်။

ကျေးသီးမြို့နယ်တွင် ဖြစ်ပွားသော တိုက်ပွဲကြောင့် ဒေသခံများ လဲချားမြို့နယ် သို့ စစ်ရှောင်လာပြီး၊ ထိုနေရာတွင် ရွာသစ်ပြန်လည် ထူထောင်ခဲ့သ်။

ထို့ကြောင့် ရွာသစ်တွင် ရှိသည့် ကလေးငယ်များအတွက် ရပ်ရွာတာဝန်ရှိ သူများနှင့် ပူးပေါင်းပြီး စာပေသင်ကြားရေးတွင် ဆောင်ရွက်ပေးနေကြောင်းသိရသည်။

“လိုအပ်ချက်များစွာထဲက အလိုအပ်ဆုံးဆိုရင် white board ၊Marker Pen၊ စာအုပ်၊ စာရေးကိရိယာ၊ ထီး၊ solar မီး၊ ဓား နဲ့ ပေါက်ပြား တွေ လိုအပ်နေတယ်” ဟု လဲချားမြို့နယ်မှာ ပြန်လည်ထူထောင်နေသည့် ပရဟိတ တစ်ဦး က သျှမ်းသံတော်ဆင့် ကိုပြောသည်။

အဆိုပါ စစ်ရှောင်တို့သည် ဇူလိုင် (၁၁) ရက်နေ့က ရောက်ရှိလာပြီး ယခု ရွာသစ်ပြန်လည်ထူထောင်ရာမှာ အိမ်ခြေ (၅၀) အကွက်ရိုက်ပြီး လူဦးရေ (၆၁) ဦးရှိပြီး၊ ထိုထဲတွင် ကလေး(၂၀)ကျော်ရှိကြောင်း သိရသည်။

ထို့ကြောင့် ကလးငယ်များအတွက် အင်္ဂလိပ်စာများ၊ သိပ္ပံတွဲများ နှင့် ဓမ္မ တရားများကို သင်ကြားပေးနေပြီး၊ သင်ကြားရေးအတွက် သင်ထောက်ကူရှာဖွေပေးရန် အင်တာနက်လိုင်းလည်း လိုအပ်ကြောင်း ကူညီပေးနေသည့် ပရဟိတ တစ်ဦးကပြောသည်။

သျှမ်းတပ် (၂) တပ် တိုက်ပွဲကြောင့် စစ်ရှောင်များ နေရပ်သို့ အများအပြား စွန့်ခွာခဲ့ရပြီး ကလေးပညာရေးလည်း အများအပြား ထိခိုက်နစ်နာခဲ့ရကြောင်း သိရှိရသည်။