သျှမ်းပြည်တောင်ပိုင်း လဲချားမြို့မှ မိုင်းကိုင်ပြန်သွားသည် ဆရာတော် (၂) ပါးနှင့် အရပ်သား (၅) ဦးတို့ကို ယမန့်နေ့ သြဂုတ် ၂ ရက်တွင် ကိုဗစ်- ၁၉ ပိုးတွေ့ရှိခဲ့ကြောင်း စုံစမ်းသိရှိရသည်။
ထို ဆရာတော် (၂) ပါးနှင့် အရပ်သား (၅) ဦးတို့တွင် လဲချားမြို့တွင် Quarantine ၁၄ ရက်ဝင်ပြီးမှ မိုင်းကိုင်မြို့သို့ပြန်သွား ကြောင်းသိရသည်။
“ သူတို့က လဲချားမှာ Quarantine ဝင်ပြီးပြီး။ ၁၄ ရက်ဝင်ပြီးမှ ပေးပြန်လိုက်တာ။ အဲ့ဘက်ရောက်တော့ ဘာကြောင့်ပိုးတွေ့တာလဲတော့မသိဘူး။ တစ်ခုခုတော့မှားနေတာတော့မသိဘူး။ ကျနော်တို့လဲ RDT နဲ့ပဲစစ်ပေးတယ်” ဟုလဲချားမြို့ မြို့နယ်ဆရာဝန်က ပြောသည်။
ထို ဆရာတော် (၂) ပါးနှင့် အရပ်သား (၉) ဦးတို့သည် ဇူလိုင် ၂၉ ရက်နေ့တွင် လဲချားမြို့မှ ပြန်သွားခဲ့ပြီး ယမန့်နေ့ သြဂုတ် ၂ ရက်နေ့မှ ပိုးတွေ့ရှိခဲ့ကြောင်းသိရသည်။
“ ဒီကိုရောက်တော့လဲ သီးသန့်ထားထားသေးတယ်။ နှားခေါင်းစည်းတယ်။ခေါင်းကိုက်တယ်ပြောလို့ ကျနော်တို့ သူတို့ကို စစ်ပေးလိုက်တာ ပိုးတွေ့သွားတာပေါ့။ မနေ့ကမှပဲ ပိုးတွေ့တယ်ဆိုတာ သိလိုက်ရတယ်” ဟု မိုင်းကိုင်မြို့ ဒေသခံတဦးက ပြောသည်။
ထိုဆရာတော်နှင့် အရပ်သားတို့သည် လဲချားမြို့တွင် ၁ လကြာနီးပါးနေထိုင်ခဲ့ကြောင်း သိရသည်။
လဲချားမြို့တွင် ယနေ့( သြဂုတ် ၃) ရက်နေ့ထိ ကိုဗစ် -၁၉ ကြောင့် ဆေးကုသမှုခံယူနေသူ စုစုပေါင်း (၆၅) ရှိပြီး မိုင်းကိုင်မြို့တွင် (၁၃) ဦးရှိကြောင်းသိရသည်။
Leave a Comments