သျှမ်းပြည်မြောက်ပိုင်း နမ့်ခမ်းမြို့တွင် တစ်ရက်တည်း သေဆုံးသူ (၁၁) ဦးရှိပြီး သုသာန်မှာ ညနက်ပိုင်းအထိ သဂြိုလ်ခဲ့ရကြောင်း သိရှိရသည်။
သြဂုတ် (၂) ရက်နေ့တွင် ကိုဗစ်-၁၉ အတည်ပြု လူနာအပါအဝင် သံသယ လူနာများ စုစုပေါင်း (၁၁) ဦး သေဆုံးခဲ့သည့်အတွက် သုသာန်မှာ ညနက် (၁) နာရီထိ သဂြိုလ် ခဲ့ရကြောင်း နမ့်ခမ်းပရဟိတ အဖွဲ့ဝင် တစ်ဦးက သျှမ်းသံတော်ဆင့် ကိုပြောသည်။
“ကျနော်တို့ မနေ့က နာရေး (၁၁) ကြောင်း ပို့ရတယ်။ သုသာန်မှာ အလောင်းတွေ တန်းစီထားရတယ်။ မီးသဂြိုလ်စက်က လူသေလောင်း တစ်လောင်းကိုဂြိုလ်ရင် တစ်နာရီခွဲ နှစ်နာရီလောက်ကြာတယ်။ ညနက် (၁) နာရီလောက် ထိ ဖြစ်သွားတယ်”ဟု နမ့်ခမ်းပရဟိတအဖွဲ့ဝင် တစ်ဦး က သျှမ်းသံတော်ဆင့် ကိုပြောသည်။
နမ့်ခမ်းပြည်သူ့ဆေးရုံမှာ ကိုဗစ်-၁၉ အတည်ပြုလူနာ သြဂုတ် (၂) ရှိကြောင်း ပရဟိတ အဖွဲ့ဝင် တစ်ဦး ကပြောသည်။
“ဒီလို တန်းစီပြီး သဂြိုလ်ရတာ ပထမဆုံး အကြိမ်ပဲ။ တစ်နေ့တည်းကို အများဆုံး (၇) ယောက်လောက်ပဲ သဂြိုလ်ဖူးတာ” ဟု နမ့်ခမ်း ပရဟိတ အဖွဲ့ဝင် တစ်ဦး ကပြောသည်။
နမ့်ခမ်းမြို့တွင်ရှိသည့် လက်ရှိ မီးသဂြိုလ်သည် လူသောင်း တစ်ကြိမ် သဂြိုလ်လျှင် (၂) နာရီခန့်ရှိပြီး ထင်း နှင့် သဂြိုလ်ရသဖြင့် အချိန်ကြန့်ကြာမှု ရှိသောကြောင့် အသစ်ထပ်မံ ပြုလုပ်သွားမည်ဖြစ်ကြောင်း သိရသည်။
သျှမ်းပြည်တွင်လည်း ကိုဗစ်-၁၉ အတည်ပြု လူနာများပြားလာပြီး လက်ရှိ တရုတ်နိုင်ငံထုတ် ကိုဗစ်-၁၉ ကာကွယ်ဆေးကို စစ်ကောင်စီက ပြည်သူလူထုများကို ဇူလိုင် (၃၀) ရက်နေ့ကစတင်ပြီး ထိုးပေးနေပြီဖြစ်ကြောင်း စုံစမ်းသိရှိရသည်။
Leave a Comments