သျှမ်းပြည်မြောက်ပိုင်း တန့်ယန့်မြို့ ရပ်ကွက် (၂) တွင် လင်မယား စကားများရာမှ အမျိုးသမီး သေဆုံးခဲ့ကြောင်း စုံစမ်းသိရသည်။
ဖြစ်စဉ်မှာ ယမန့်နေ့ ဇူလိုင် ၂၇ မနက်ပိုင်း ၁၀ နာရီအချိန်တွင် လင်းမယား စကားများရာမှ အမျိုးသားက ၎င်း အမျိုးသမီးကိုထင်းတုံးဖြင့် ခေါင်းကို ရိုက်လိုက်ပြီး ပွဲချင်းပြီးသေဆုံးသွားကြောင်း သိရသည်။
“ သူတို့စကားများကြတာ။ ဘာကြောင့်များကလည်းတော့မသိဘူး။ သူအမျိုးသားက စိတ်မနှံဘူး။ စကားများပြီး သူမိန်းမကို ထင်းတုံးနဲ ခေါင်းကိုရိုက်လိုက်တာ။ အာရုံထိသွားလို့ထင်တယ်။ ပွဲချင်းပြီးသေသွားတယ်။” ဟု တန့်ယန့်မြို့ ရပ်ကွက် ၂ ရာအိမ်မှူး က သျှမ်းသံတော်ဆင့်ကိုပြောသည်။
ထိုအမျိုးသားသည် စိုင်းစံထွန်း ဖြစ်ပြီး ၎င်းသည် စိတ်ကျန်းမာရေး ချို့တဲ့သူ တစ်ဦးဖြစ်ကြောင်းသိရသည်။
ထိုသေဆုံးသွားသည့် အမျိုးသမီးသည် ဒေါ်အေးမန်း (၅၀) နှစ်သည် အသက်(၉)နှစ် အရွယ် သမီးလေး ကျန်ရှိခဲ့ကြောင်းသိရဥည်။
“ သူတို့မှာ ကလေးကျန်ထားတယ်။ (၉) နှစ်ပဲရှိသေးတယ်။ အမေကလည်း သေတယ်။ အဖေကလည်း စိတ်မမှန်ဘူး။ အဲကလေးတော့သူတို့ ဆွေမျိုးတွေနဲ့ပဲနေရမယ်ထင်တယ်။” ဟု အထက်ပါ ရာအိမ်မှုက ပြောသည်။
လက်ရှိမှာ စိုင်းစံထွန်းကို ရဲက လာရောက်ဖမ်းဆီးသွားပြီးဖြစ်ကြောင်းသိရသည်။
Leave a Comments