သျှမ်းပြည်တောင်ပိုင်း ပင်လုံမြို့ ကျူရုံးရွာအဝင် Quarantine ဝင်နေသူ (၄)ဦး ယမန့်နေ ဇူလိုင် (၂၇) နေ့လည် ၁ နာရီ အချိန်တွင် ထွက်ပြေးသွားကြောင်း စုံစမ်းသိရှိရသည်။
ထို သူတို့သည် တောင်ကြီးမှ ပြန်လာသူများဖြစ်ပြီး Quarantine စင်တာတွင် တစ်ညသာ အိပ်ခဲ့ပြီး ထွက်ပြေးသွားခဲ့ကြောင်းသိရသည်။
“ တောင်ကြီးကနေ ပြန်လာလို့ ပင်လုံမှာ Quarantine ဝင်ထားခိုင်းတာ။ တစ်ညပဲ အိပ်ရသေးတယ်။ နောက်နေ့ရောက်တော့ ဘယ်သူမှ မသိဘဲ ထွက်ပြေးသွားတယ်။ သူတို့ရွာကို ခိုးပြန်သွားတာပေါ့။ ကျနော်တို့ ရွာကိုတော့ပြောထားလိုက်တယ်” ဟု ပင်လုံမြို့ ကိုဗစ် ၁၉ လူမှုကူညီးရေးအသင်းက ပြောသည်။
အဆိုပါ ထွက်ပြေးသွားသည့်သူ (၄)ဦးသည် ကိုဗစ် ၁၉ ရောဂါပိုးစစ်ဆေးပေးထားခြင်းမရှိကြောင်း ၊ထွက်ပြေးသွားသည့် သူများသည် အမျိုးသမီ ၃ ဦးနှင့် အမျိုးသား ၁ ဦးဖြစ်ကြောင်းသိရသည်။
၎င်းတို့သည် နောင်လိုင်ကျေးရွာအနီးနားတွင်နေထိုင်ကြောင်းသိရသည်။
ပင်လုံမြို့တွင် ယမန့်နေ ဇူလိုင် ၂၇ ရက်နေ့ထိ ကိုဗစ် -၁၉ ပိုတွေ့လူနာ စုစုပေါင်း (၂၀ )ဦးရှိပြီး သေဆုံးသူ (၂) ဦးနှင့် ဆေးရုံဆင်းခွင့်ရလူနာ (၄) ဦးရှိကြောင်းသိရသည်။
Leave a Comments