သျှမ်ပြည်နယ်တွင် ကိုဗစ်ကူးစက်ပျံ့နှံ့မှု မြင့်တက်နေပြီး သေဆုံးလူနာများလည်း နေ့စဉ် ရှိနေသည်။
ပြီးခဲ့သည့် ဇူလိုင် (၂၅)ရက်တွင် စစ်ကောင်စီလက်အောက် ကျန်းမာရေးဝန်ကြီးဌာနမှ သျှမ်းပြည်တောင်ပိုင်းရှိ မြို့နယ် (၃)ခုကို Stay at home မြို့နယ်အဖြစ် သတ်မှတ်လိုက်သည့်အတွက် သျှမ်းပြည်တွင် Stay at home သတ်မှတ်ထားသည့်မြို့နယ် (၉)မြို့နယ်အထိ ရှိလာပြီဖြစ်သည်။
အဆိုပါမြို့နယ်များမှာ သျှမ်းမြောက်တွင် လောက်ကိုင်၊ မူဆယ်၊ လားရှိုး၊ သီပေါနှင့် နောင်ချိုမြို့နယ်၊ သျှမ်းရှေ့တွင် တာချီလိတ်မြို့နယ်၊ သျှမ်းတောင်တွင် တောင်ကြီး၊ ညောင်ရွှေနှင့် ရပ်စောက်မြို့နယ်တို့ဖြစ်သည်။
သျှမ်းမြောက် လောက်ကိုင်မြို့နယ်တွင် ကိုဗစ်ကူးစက်လူနာ (၃၀၀၀)နီးပါး ရှိနေပြီး သေဆုံးသူ (၇)ဦး၊ ဆေးရုံဆင်းခွင့်ရသူ (၂၀၀၀)နီးပါး ရှိနေသည်။
မူဆယ်မြို့နယ်တွင် ကိုဗစ်ကူးစက်ခံရသူ (၆၀၀)ကျော်နှင့် သေဆုံးသူ (၃၀)နီးပါး ရှိပြီး ဆေးရုံဆင်းခွင့်ရသူ (၂၀၀)ကျော်ရှိကြောင်း သိရသည်။
လားရှိုးမြို့နယ်တွင် ကိုဗစ်ကူးစက်ခံရသူလူနာ (၁၅၀၀)နီးပါးနှင့် သေဆုံးသူ (၈၀)ဝန်းကျင်ရှိနေပြီး ဆေးရုံဆင်းခွင့်ရသူ (၈၀၀)ကျော် ရှိနေကြောင်း သိရသည်။
သီပေါမြို့နယ်တွင် ဇူလိုင်(၂၇)ရက် ယနေ့ မွန်းလွဲပိုင်းအချိန်ထိ ကိုဗစ်ကူးစက်ခံရသူ (၆၈၀)ဦးရှိပြီး သေဆုံးသူ (၂၉)ဦးနှင့် ဆေးရုံဆင်းခွင့်ရရှိသူ (၃၄၈)ဦး ရှိနေကြောင်း သိရသည်။
နောင်ချိုမြို့နယ်တွင် ဇူလိုင် (၂၇)ရက် ယနေ့အထိ ကိုဗစ်ကူးစက်ခံရသူ (၈၀၄)ဦး ရှိပြီး သေဆုံးသူ (၂၂)ဦး၊ ဆေးရုံဆင်းခွင့်ရသူ (၅၇၅)ထိ ရှိကြောင်း သိရသည်။
သျှမ်းတောင် တောင်ကြီးမြို့နယ်တွင် ဇူလိုင် (၂၆)ရက်နေ့အထိ ကိုဗစ်ကူးစက်ခံရသူ (၁၅၀၀)နီးပါး ရှိပြီး သေဆုံးသူ (၆၀)ခန့်နှင့် ဆေးရုံဆင်းခွင့်ရသူ (၄၆၀)ကျော်ရှိကြောင်း သိရသည်။
ညောင်ရွှေမြို့နယ်တွင် ဇူလိုင် (၂၇)ရက် ယနေ့ထိ ကိုဗစ်ကူးစက်ခံရသည့်လူနာ (၈၀၀)နီးပါး ရှိနေပြီး သေဆုံးသူ (၂၉)ဦး၊ ဆေးရုံဆင်းခွင့်ရသူ (၃၀၀)ကျော် ရှိကြောင်း သိရသည်။
ရပ်စောက်မြို့နယ်တွင် ယမန်နေ့ထိ ကိုဗစ် ကူးစက်ခံရသည့် လူနာ (၃၂၈)ဦးရှိပြီး သေဆုံးလူနာ (၄)ဦး ဆေးရုံဆင်းခွင့်ရသူ (၁၉၉)ဦးရှိကြောင်း၊ ဗထူးတပ်အတွင်း ကိုဗစ်ကူးစက်လူနာ မည်မျှရှိသည်ကို မသိရှိရပါ။
သျှမ်းရှေ့ တာချီလိတ်မြို့နယ်တွင် ကိုဗစ်ကူးစက်လူနာ (၁၀၀၀)ကျော်ရှိနေပြီး၊ သေဆုံးလူနာ (၆)ဦး၊ ဆေးရုံဆင်းခွင့်ရသူ (၃၀၀)ကျော်ရှိနေကြောင်း သိရှိရသည်။
ယခု စာရင်းများသည် ကိုဗစ်တတိယလှိုင်း သျှမ်းပြည်အတွင်း ကူးစက်၊ သေဆုံးနှင့်ဆေးရုံဆင်းခွင့်ရရှိသည့် လူနာ စာရင်းများဖြစ်သည်။
