သျှမ်းပြည်မြောက်ပိုင်းတွင် ကိုဗစ် -၁၉ သံသရာလူနာ သေဆုံးသွားသူ( ၆၀) ဦးထက်မနည်း ရှိနေကြောင်း စုံစမ်းသိရှိရသည်။
ထို ကိုဗစ်- ၁၉ သံသရာလူနာများသည် နေအိမ်တွင်ကိုယ်တိုင်ဆေးကုသမှုခံယူနေသူများ၊ အောက်ဆီအကျလွန်းပြီးမှ ဆေးရုံးသို့လာသူများဖြစ်ကြောင်းသိရသည်။
“ တစ်ချို့က နေအိမ်မှာဘဲ ကိုယ်တိုင်ဆေးကုကြတာ။ တစ်ချို့ကတော့လည်း အောက်ဆီဂျင်အကျလွန်းပြီးမှ ဆေးရုံးရောက်လာတာလည်းရှိတယ်။ အဲလိုတွေကြောင့်သေဆုံးသူတွေက များလာတယ်” ဟု လာရှိုးမြို့ လူမူကူညီးရေးအသင်းပရဟိတ အဖွဲ့ဝင်တစ်ဦး ကပြောသည်။
ဖေဖော်ဝါရီ ၁ ရက် စစ်အာဏာသိမ်းယူပြီးနောက်ပိုင်း ပြည်သူများက စစ်ကောင်စီပေါ် ယုံကြည်မှု မရှိသည့်အတွက် ကိုဗစ် ၁၉ တတိယလှိုင်း ကာလ ကိုဗစ် ကူးစက်ခံရသည့် ပြည်သူများနေအိမ်တွင် မိမိဘာသာ ဆေးကုသမှုများ ပြုလုပ်နေကြပြီး၊ တချို့ပြည်သူများသည် ဆေးရုံသွားတက်ရန် လူနာစောင့်မရှိသည့် အတွက် နေအိမ်တွင်သာ ဆေးကုသခဲ့ရသည်။
ထိုသို့ ပြုလုပ်ခြင်းကြောင့် ပြည်သူတချို့က နေကောင်းသွားသော်လည်း ရောဂါအခံရှိသူများက စိုးရိမ်းရကြောင်းသိရသည်။
“ ဆေးရုံးမှလူများတာနဲ့ ဆေးရုံလာတက်ရင် လူနာစောင့်တွေအတွက်လဲအခက်ခဲရှိတယ်လေ။ အဲတာမို့ တချို့ကဆေးရုံ မလာတက်ကြတော့ဘူး။ ကိုယ်တိုင်အိမ်မှာကုနေတာတွေရှိတာပေါ့။ အောက်ဆီဂျင်လဲ လုံးလောက်မှုမရှိတော့ သေဆုံးသွားကြရတယ်” ဟု မူဆယ်မြို့ လူမှုကူညီးရေးအသင်းတစ်ခု မှ အဖွဲ့ဝင်တစ်ဦးက သျှမ်းသံတော်ဆင့်ကို ပြောသည်။
မြန်မာနိုင်ငံ ကိုဗစ် ၁၉ တတိယလှိုင်းတွင် လာရှိုးမြို့ရှိပြည်သူများ ကိုဗစ် အတည်ပြုဖြင့်သေဆုံးသူ ( ၁၀၈ )ဦးရှိပြီး သံသရာလူနာအနေဖြင့်သေဆုံးသူ( ၅၅ )ဦးရှိကြောင်းသိရသည်။
ထိုနည်းတူ သီပေါမြို့တွင်လည်း ကိုဗစ် -၁၉ သံသရာလူနာ(၄)ဦး ၊ နမ့်ခမ်းမြို့တွင် ကိုဗစ် သံသယလူနာ (၁၀)ဦး နှင့် မူဆယ် မြို့တွင် သံသယ လူနာ (၅)ဦး ထက်မနည်း သေဆုံးနေကြောင်း သျှမ်းသံတော်ဆင့် ကောက်ယူထားသည့် သတင်းအရသိရသည်။
လက်ရှိကောက်ထားသည့် စာရင်းထက်များနိုင်ကြောင်းလည်း သျှမ်းမြောက် ပရဟိတလူမှုကူညီရေးအသင်းများက ပြောဆိုသည်။
မြန်မာနိုင်ငံတွင် အရပ်သားအစိုးရ NLD လက်ထက်တွင် ကိုဗစ် ၁၉ ပထမလှိုင်း နှင့် ဒုတိယလှိုင်းကို ကောင်းစွာထိန်းချုပ်နိုင်ခဲ့ပြီး လက်ရှိစစ်ကောင်စီလက်ထက် ကိုဗစ် ၁၉ တတိယလှိုင်းတွင် ပြည်သူများ အများအပြာသေဆုံးခဲ့ရပြီးဖြစ်ကြောင်းသိရသည်။
ထိုအပြင် စစ်ကောင်စီ လက်အောက်တွင် လူမှုကူညီးရေးအသင်းများ၊ ပရိဟိတ အဖွဲ့များလည်း စစ်ကောင်စီ အဖွဲ့များနှင့် ပူးပေါင်းဆောင်ရွက်လျက်မရှိကြပေ။
“ ကျနော်တို့ကတော့ အရင်ကလုပ်ခဲ့ဖူးတဲ့အတိုင်းပဲ ဆက်လုပ်သွားမယ်။ ပြည်သူတွေကိုကူညီးပေးမယ်။ တက်နိုင ်သလောက်တော့လုပ်ဆောင်ပေးနေတယ်။ ဒါမဲ့ စစ်ကောင်စီလက်အောက်မှာ လုပ်ဆောင်နေမျိုးတော့မဟုတ်ဘူပေါ့။” ဟု မူဆယ်မြို့ ပရဟိတအသင်းတစ်ခုက ပြောသည်။
သျှမ်းပြည်အတွင်း ကိုဗစ်-၁၉ တတိယလှိုင်းတွင် ဇူလိုင် ၂၃ရက် သျှမ်းသံတော်ဆင့် ကောက်ယူထားသည့် စားရင်းအရ ကိုဗစ်-၁၉ အတည်ပြုလူနာ (၈၃၈၆)ဦး နှင့် သေဆုံးသူ (၁၈၅)ဦး ရှိကြောင်း သိရသည်။
Leave a Comments