သျှမ်းပြည်မြောက်ပိုင်းတွင် ယနေ့ (ဇူလိုင် ၃)ရက်တရက်တည်း ကိုဗစ် – ၁၉ လူနာ နှင့် သံသယရှိသူ လူနာ (၅)ဦးထက်မနည်း သေဆုံးကြောင်း သိရသည်။
အဆိုပါ လူနာများမှာ နမ့်ခမ်းမြို့မှ (၂)ဦး၊ တန့်ယန်းမြို့တွင် ကိုဗစ်လူနာ တစ်ဦး နှင့် Home Quarantine ဝင်ထားသူ(၁)ဦးနှင့် လားရှိုးမြို့မှ တစ်ဦးတို့ ဖြစ်ကြောင်း သိရသည်။
နမ့်ခမ်းမြို့တွင် ကိုဗစ်-၁၉ အတည်ပြုလူနာ (၇၃)ဦးရှိပြီး ထိုထဲတွင်သေဆုံးသူ (၄)ဦးရှိသည်။
တန့်ယန်းမြို့တွင် ကိုဗစ်-၁၉ အတည်ပြုလူတာ (၂၀)ဦးရှိပြီး ထိုထဲတွင် သေဆုံးသူ (၄)ဦး နှင့် HQ ဝင်နေသည့်သူ တစ်ဦး ရှိကြောင်း သိရသည်။
ထို့အပြင် လားရှိုးမြို့တွင် ကိုဗစ်-၁၉ အတည်ပြုလူနာ (၅၄၀)ဦး ရှိကာ သေဆုံးသူ (၂၀)ဦးရှိကြောင်း သတင်းရရှိသည်။
ယနေ့ထိ သျှမ်းပြည်တွင် ကိုဗစ် – ၁၉ ကူးစက်ရောဂါကြောင့် သေဆုံးသူ (၂၅)ဦးခန့် ရှိနေပြီး ကူးစက်ခံရသည့် လူနာဦးရေ (၁၁၀၀)ကျော် ရှိနေပြီဖြစ်ကြောင်း သိရသည်။