သျှမ်းပြည် အရှေ့ပိုင်း တာချီလိတ်မြို့ မိုးကုတ်ရိပ်သာတွင် ဖွင့်ထားသည့် Quarantine Centre ရှိ အသုံးအဆောင်များ ဖောက်ထွင်းခိုးယူခံရကြောင်း စုံစမ်းသိရှိရသည်။

အဆိုပါ အသုံးအဆောင်ပစ္စည်းများကို ယမန့်နေ့ (ဇူလိုင် ၁ )ရက် တွင် ဖောက်ထွင်းခိုခံခဲ့ရပြီး၊ တန်ဖိုးငွေ ဘတ်ငွေ (၈သောင်း) မြန်မာငွေ သိန်း (၄၀) လောက်ရှိကြောင်းသိရသည်။

“ မနေ့ညက ခိုးဖောက်ခံရတာဖြစ်လောက်တယ်။ ဒီနေ့မနက် အလိုရှိလို့သွားကြည့်တာမရှိတော့ဘူး။ ဘတ် ၈၀၀၀၀ လောက်ရှိတယ်တန်းဖိုးငွေနဲဆိုရင်။ ပန်ကန်းတွေ၊ဇွန်းတွေပေါ့ပါသွားတယ်။ အသုံးအဆောင်ပစ္စည်းဖြစ်တယ်” ဟု တာချီလိတ်မြို့ မိုးကုတ်ဝိပသာနာအဖွဲ့ဝင် တစ်ဦး က သျှမ်းသံတော်ဆင့်ကိုပြောသည်။

ထို မိုးကုတ်ဝိပသာနာရိပ်သာသည် ၂၀၂၀ ကိုဗစ်- ၁၉ စဖြစ်ချိန်းမှစပြီး တရားစခန်းများကို ရပ်နားထားပြီး လူထုများကို ကူညီရန်အတွက် Quarantine Centre ကိုဖွင့်ထားကြောင်း ၎င်းက ပြောသည်။

ဖေဖော်ဝါရီ ၁ ရက်နေ့ စစ်အာဏာသိမ်းပြီးနောက်ပိုင်း တာချီလိတ်မြို့တွင် ဆိုင်ကယ်ခိုးယူမှုများ၊ ဓားခုတ်ပြီး ဆိုင်ကယ်လုယက်မှုများ၊ အိမ်တွင်းခိုးခံရမှုများ မကြာခဏ ဖြစ်ပွားလေ့ရှိကြောင်းသိရသည်။

ထိုသို့ ဖြစ်ပွားနေသော်လည်း တာဝန်ရှိသူ သက်ဆိုင်သူများမှ ဖမ်းဆီးအရေးယူနိုင်ခြင်းမရှိသေးကြောင်းသိရသည်။