သျှမ်းပြည်မြောက်ပိုင်း ယနေ့ (ဇူလိုင် ၁) ရက်တည်း ကိုဗစ် -၁၉ ပိုးတွေ့လူနာ( ၄ )ဦးသေဆုံးကြောင်း စုံစမ်းသိရှိရသည်။
အဆိုပါသေဆုံးသွားသည့် ပိုးတွေ့လူနာများသည် ကျောက်မဲမြို့(၁) ဦး၊ နောင်ချိုမြို့(၁)ဦး၊ တန့်ယန်းမြို့(၁) ဦးနှင့် နမ့်ခမ်းမြို့ (၁) တို့ဖြစ်ကြောင်းသိရသည်။
ကျောက်မဲမြို့တွင် သေဆုံးသွားသည့်လူ သံသရာလူနာဖြစ်ကြောင်း၊ ၎င်းသည် အမှတ်(၁) ရပ်ကွက် နယ်မြေ(၆) တွင်နေထိုင်သူတစ်ဦးဖြစ်ကြောင်းသိရသည်။
ကျောက်မဲမြို့တွင် ယမန့်နေ့ ဇွန် ၃၀ တစ်ရက်ထဲ ကိုဗစ် ၁၉ ပိုးတွေ့နာလူ (၃၀) ဦးတွေ့ရှိပြီး စုစုပေါင်းနာလူ (၅၈) ဦးထိရှိကြောင်းသိရသည်။
နောင်ချိုမြို့တွင် ပြည်သူဆေးရုံးတွင် ကုသမှုခံယူနေသည့် ဦးအောင်မြင့် (၆၅) နှစ်သည် ယနေ့ မနက်ပိုင်းအချိန်တွင် သေဆုံးခဲ့ပြီး နမ့်ခမ်းမြို့တွင်လည် မြို့နယ်ပြည်သူဆေးရုံးတွင်ဆေးကုသမှုခံယူနေပြီး သေဆုံးသွားကြောင်းသိရသည်။
ထို့အပြင် တန့်ယန်းမြို့တွင်လည်း ယနေ့ မနက်ပိုင်းအချိန်တွင် ကိုဗစ် ပိုးတွေ့ အမျိုးသမီးတစ်ဦးသေဆုံးသွားကြောင်း သိရသည်။
သျှမ်းပြည်နယ်အတွင်း ကိုဗစ် ပိုးတွေ့လူနာ စုစုပေါင်း (၁၀၀၀) ရှိလာပြီးဖြစ်ကြောင်းသိရသည်။
Leave a Comments