သျှမ်းပြည် မြောက်ပိုင်း လားရှိုးမြို့နယ် နှင့် သီပေါမြို့နယ် အတွင်းတွင် ကိုဗစ်-၁၉ ပိုးတွေ့ရှိလူနာ စုစုပေါင်း(၄၉ )ဦးရှိကြောင်း စုံစမ်းသိရသည်။
ထိုထဲတွင် လာရှိုးမြို့တွင် ကိုဗစ်- ၁၉ ပိုးတွေ့လူနာ (၄၅) ဦးရှိပြီး၊ သီပေါမြို့နယ် နမ့်လန်မြို့တွင် ကိုဗစ်- ၁၉ ပိုးတွေ့လူနာ (၄) ဦးရှိကြောင်း သျှမ်မြောက် ပြည်သူများက ပြောသည်။
“ ကျနော်တို့ လာရှိုးမှာ (၄၅) ဦးရှိတယ်။ လာရှိုးပြည်သူဆေးရုံးမှာပဲထားထားတာ။ ရောဂါနဲနဲပြင်းထန် နေတဲ့ လူနာကိုတော့ မန္တလေးဆေးရုံကိုပြန်ပို့ပေးတယ်။ မန္တလေးကိုပို့ထားတဲ့ လူနာက (၄) ယောက်ရှိတယ်” ဟု လာရှိုးမြို့ ကိုဗစ်-၁၉ လူနာကို သယ်ဆောင်ပေးနေသည့် လူမှုကူညီးရေးအသင်း မှ အဖွဲ့ဝင်တစ်ဦး က သျှမ်းသံတော်ဆင့် ကို ပြောသည်။
အလားတူ နမ့်လန်မြို့ ကိုဗစ်- ၁၉ ပိုးတွေ့လူနာများ (၄)ဦးရှိပြီး၊ ထိုသူများကို သီပေါမြို့ ဆေးရုံတွင် သွားရောက်ပို့ဆောင် ထားကြောင်း သိရသည်။
“ နမ့်လန် မှာ ကိုဗစ်- ၁၉ ပိုးတွေ့လူနာ က (၄) ယောက်ရှိတာသေချာတယ်။ သူတို့ကို သီပေါမြို့ ဆေးရုံးကို ပို့ထားတယ်။ ဘယ်သူတွေလဲတော့ သေချာမသိရသေးဘူး။ စိုးရိမ်ရတဲ့ အဆင့်ထိတော့ မရှိသေးဘူး”ဟု နမ့်လန်မြို့ ဒေသခံတစ်ဦးက ပြောသည်။
ထို့တွင် ဖေဖော်ဝါရီ ၁ ရက်နေ့က စစ်အာဏာသိမ်းပြီးနောက်ပိုင်း နိုင်ငံရေးဝန်ထမ်းများ စစ်အာဏာဖီဆန်ရေး CDM တွင်ပါဝင်လာသောကြောင့် ပိုးတွေ့လူနာများကို ကုသရာတွင် အဆင်ပြေသလိုလုပ်ဆောင်ပေးနေရကြောင်း လာရှိုးမြို့ လူမှုကူညီးရေးအသင်းက ပြောသည်။
“ ကိုဗစ် စဖြစ်ကတည်းက လာရှိုးပြည်သူဆေးရုံးနေကပဲ ကုသပေးတာပေါ့။ အောက်ခြေမှ ကိုဗစ် စစ်ဆေးတာတို့ကတော့ ပြည်သူကျန်းမာရေးဌာနကလုပ်ဆောင်နေတယ်။ ရပ်ကွက်ထဲမှာရှိတဲ့ ဆရာမတွေနဲ့ပဲ လုပ်ဆောင်နေရတယ် လို့သိရတယ်။ အဆင်ပြေသလိုပဲ လုပ်ဆောင်သွားရတယ် ” ဟု လာရှိုးမြို့ လူမှုကယ်ဆယ်ရေး အဖွဲ့ဝင် တစ်ဦး က ဆိုသည်။
လာရှိုးမြို့တွင် မြို့ဝင်မြို့ထွက် ကိုဗစ် -၁၉ စစ်ဆေးရေးဂိတ်ကို ဇွန် ၁၂ ရက်နေ့ကစတင်ပြန်လှည်ဖွင့်လှစ် ခဲ့ကြောင်း သိရသည်။
Leave a Comments