သျှမ်ပြည် မြောက်ပိုင်း နမ့်လန်မြို့ရှိ မန်လီကျေးရွာအုပ်စုတွင်နေထိုင်သည့် ပြည်သူ (၄) ဦးကို သျှမ်းပြည်တိုးတက်ရေးပါတီ၊ သျှမ်းပြည်တပ်မတော် ( SSPP/SSA) မှ လာရောက်ဖမ်းဆီးသွားကြောင်း စုံစမ်းသိရှိရသည်။
အဆိုပါ SSPP/SSA မှ ဖမ်းဆီးသွားသည့် ပြည်သူများမှာ နမ့်လန်မြို့ မှ မန်လီကျေးရွာ ပြည်သူ ( ၃) ဦးနှင့် ခဲမွန်ကျေးရွာ ပြည်သူ ( ၁ )ဦး တို့ကို ယမန့် ဇွန် (၈) ရက်တွင် လာရောက် ဖမ်းဆီး ခေါ်ဆောင်သွားကြောင်း သိရသည်။
“ ဟုတ်ပါတယ်။ ဘာကြောင့်လာဖမ်းသွားလဲတော့မသိဘူး။ ခဲမွန်က (၁) ယောက် နဲ့ မန်လီကျေးရွာ က( ၃) ယောက်ခေါ်သွားတယ်။” ဟုနမ့်လန်မြို့ ဒေသခံတစ်ဦးက သျှမ်းသံတော်ဆင့်ကိုပြောသည်။
လက်ရှိအချိန်ထိ သျှမ်းတပ် ၂ တပ်တွင် ဆွေနွေးရန်အဆင်မပြေသေးကြောင်း၊ ပြည်သူများလည် ဟိုဖက်ဒီဖက် ဖြစ်နေသောကြောင့် တစ်ချို့ပြည်သူများကို ဖမ်းဆီးထိန်သိမ်းသွားမည်ဟု SSPP/SSA အရာရှိဗိုလ်မှူးကြီးတစ်ဦးက ပြောသည်။
“ ကျနော်တို့ တပ် ၂ တပ်က ဆွေးနွေးဖို့ကမဖြစ်နိုင်သေးဘူး။ ပြီးတော့ ကျနော်တို့ပြည်သူတွေက တစ်ဖက်စောင်း တာတွေဖြစ်နေတယ်။ ခုတလော နိုင်ငံရေးမငြိမ်သေးတဲ့အချိန်မှာတော့ ကျနော်တို့ဆက်ပြီး ထိန်းသိမ်းသွားမယ်” ဟု SSPP/SSA အရာရှိဗိုလ်ကြီး တစ်ဦးကပြောသည်။
SSPP/SSA အနေဖြင့် ဖမ်းဆီးထားသူများကို ထိန်းသိမ်းသွားမည်ဖြစ်ပြီး နိုင်ငံရေးအခြေနေတည်ငြိမ်သွားမှ ပြန်လှည်လွှတ်ပေးသွားမည်ဖြစ်ကြောင်း သိရသည်။
“ ကျနော်တို့ အခုက ယာယီ ထိန်းသိမ်းသွားမယ်။ နိုင်ငံရေးခြေနေကောင်းရင် ပြီးတော့ သူတို့ကကောင်းကောင်း နေထိုင်သွားမယ်ဆိုရင် ကျနော်တို့လည် ကောင်းကောင်းမွန်မွန် ပြန်လွှတ်ပေးမယ်။ ခုလို စစ်ဖြစ်နေတဲ့ချိန်မှ ထွက်ပြေး သွားရင် အရေးယူသွားဖို့ရှိတယ်” ဟု ၎င်းက ဆိုသည်။
အလားတူ ဇွန် (၇) ရက်တွင် နမ္မတူမြို့နယ် ပန်လုံကျေးရွာ ပြည်သူတစ်ဦးကိုလည်း SSPP/SSA ကဖမ်းဆီးခေါ်ဆောင် သွားပြီး ၎င်းကို SSPP/SSA ဌာနချုပ် ဝမ်းဟိုင်သို့ ခေါ်ဆောင်သွားကြောင်း သိရသည်။
ယခုရက်ပိုင်းတွင် သျှမ်းတပ် ၂တပ်သည် ကျေးသီးမြို့နယ်တွင် စစ်ဖြစ်ပွားနေလျက်ရှိ နေသေးကြောင်းသိရသည်။
Leave a Comments