ကချင်ပြည် ဟိုပင်မြို့ရှိ ဝက်ကုန်းတံတားသည် ယနေ့ ( မေ ၂၄) ရက် ညပိုင်းအချိန်တွင် မိုင်းခွဲခံရပြီး၊ အရပ်သား တစ်ဦး သေဆုံးသွား ကြောင်းသတင်းရရှိသည်။
အဆိုပါ မိုင်းခွဲခံရသည့် ဟိုပင်မြို့ အထွက်တွင်ရှိသည့် ဝက်ကုန်းတံတားသည် မန္တလေး -မြစ်ကြီးနား ပြည်ထောင်စုလမ်းမပေါ် တွင် တည်ရှိသည် တံတားဖြစ်ကြောင်းသိရသည်။
“ညက မိုင်းခွဲခံရတာ တစ်မြို့လုံး တုန်လို့၊ အဲ့အချိန် ဆိုင်ကယ်တစ်စီး ဖြတ်မောင်းတော့လူက လွင့်သွားတယ်၊ ခန္ဓာကိုယ်ကတော့ တစ်စစီ ဖြစ်သွားတယ်။ ခုထိ တံတားကနေဟိုဘက် ကမ်းနဲ့ ဒီဘက်ကမ်း ကူးလို့မရသေးဘူး၊ ဘာမှ ဖြတ်သန်းသွားလာလို့ မရဘူး”လို့ ဒေသခံ တစ်ဦးက သျှမ်းသံတော်ဆင့်ကို ပြောသည်။
ဟိုပင်တံတားကို မည်သည့် လက်နက်ကိုင်မှ လာရောက်မိုင်းခွဲသည်ကို မသိရှိရသေးကြောင်း၊ လက်ရှိမှာ မြစ်ကြီးနား-မန္တလေး ခရီးသွားသူများသည် နန့်ရင်းရွာရှိ သရက်ချောင်း ကူးပျဉ်တံတား တစင်း ယာယီဆောက်လုပ်ကာ သွားလာနေရကြောင်း သိရသည်။
Leave a Comments