မူဆယ်မြို့ စစ်အာဏာရှင် အလိုမရှိ ဆန္ဒပြရာတွင် ပါဝင်သည့် လူငယ် (၅)ဦး ကို စစ်ကောင်စီ အုပ်စု က ယနေ့ (မေ ၁၁)ရက်တွင် ဖမ်းဆီးခေါ်ဆောင်သွားကြောင်း စုံစမ်းသိရသည်။
ယနေ့ မနက် (၁၁)ရက် မနက် (၈)နာရီဝန်းကျင်တွင် လူငယ်(၂)ဦးကို ရိုက်နှက် ပြီးဖမ်းဆီးခေါ်ဆောင်သွားပြီး၊ ညနေ(၃)နာရီတွင် လူငယ်(၃)ဦး ကို ထပ်မံ ဖမ်းဆီးသွားကြောင်း မူဆယ်ဒေသခံများ ပြောပြချက် အရသိရသည်။
“ မနက် က ဖမ်းသွားတဲ့ လူငယ်(၂)ယောက်ကို လာဖမ်းကတည်းက ရိုက်နှက်ပြီးဖမ်းသွားတယ်။ နောက် လူငယ်ကို ရိုက်စစ်ဆေးတာလုပ်တယ်ကြားတယ်။ ညကျတော့ နောက် လူငယ် (၃)ဦးကို ထပ်လာခေါ်တယ်။ တဖွဲ့တည်းသမားတွေပါပဲ” ဟု ထိုဖမ်းဆီးခံရသူများကို မြင်တွေ့ခဲ့သည့် သူတဦး က ပြောပြသည်။
လက်ရှိ ဖမ်းဆီးခံရသူ (၅)ဦးကို မူဆယ်မြို့ရဲစခန်းတွင် ချုပ်နှောင်ထားကြောင်း၊ မည်သည့် ပုဒ်မဖြင့် အမှုဖွင့်ထားသည်ကို မသိရှိကြောင်း လည်း ၎င်းက ပြောသည်။
၏ထို့ပြင် ယနေ့ ည ၉ နာရီဝန်းကျင်တွင်လည်း လူငယ် (၃)ဦးကို စစ်ကောင်စီ အုပ်စု က ဖမ်းဆီးခေါ်ဆောင်သွားသည် ဟု သိရသည်။
ယခုနောက်ပိုင်း စစ်ကောင်စီ အုပ်စုသည် လူထုသပိတ်စစ်ကြောင်းကို ဖြိုခွင်းခြင်းမပြုတော့ဘဲ နေအိမ်အထိ လိုက်လံဖမ်းဆီးခြင်းများပြုလုပ်နေကြောင်း၊ အဖမ်းအဆီး ကြမ်းနေကြောင်းလည်း သိရသည်။
မူဆယ်မြို့တွင် စစ်အာဏာရှင် အလိုမရှိ ဆန္ဒထုတ်ဖော်ပြီးဖမ်းဆီးခံရသည့် ပြည်သူများ (၃၀)ကျော်ရှိကြောင်းသိရသည်။
