သျှမ်းပြည်မြောက်ပိုင်း နမ္မတူမြို့နယ် မိုင်းမုကျေးရွာအုပ်စုအတွင်း အမျိုးသား တစ်ဦး မြေမြုပ်မိုင်းနင်းမိပြီး ပွဲချင်ပြီး သေဆုံးခဲ့ကြောင်း သတင်းရရှိသည်။
မြေမြုပ်မိုင်းနင်းမိပြီး သေဆုံးသွားသည့် အမျိုးသားသည် အသက် (၂၁) နှစ်အရွယ် အိုက်တဲ့ ဖြစ်ပြီး၊ မေ (၉ )ရက် တွင် လယ်ယာ ထွန်ယက်ရန် သွားနေစဉ် လမ်းတွင် မြေမြုပ်မိုင်းနင်းမိပြီး ပွဲချင်းပြီး သေဆုံးခဲ့ကြောင်း မိုင်းမုဒေသခံ တဦး က ပြောသည်။
“ မိုင်းနင်းမိပြီး ပွဲချင်းပြီးသေဆုံးတာ။ ဘယ်အဖွဲ့က ထောင်တဲ့မိုင်ေးတာ့မသိဘူး။ ဒီဒေသကတော့ တိုင်းရင်းသားလက်နက်ကိုင်တွေ လှုပ်ရှားနေတဲ့နေရာဖြစ်ပါတယ်” ဟု မိုင်းမုဒေသခံကပြောသည်။
နမ္မတူမြို့နယ် ပန်လုံကျေးရွာတွင် မတ်လပိုင်းက သျှမ်းပြည်ပြန်လည်ထူထောင်ရေးကောင်စီ၊ သျှမ်းပြည်တပ်မတော်(RCSS/SSA) နှင့် မြောက်ပိုင်း မဟာမိတ် တပ်ဖွဲ့တို့ တိုက်ပွဲဖြစ်ပွားမှုကြောင့် ပြည်သူများ ထွက်ပြေးတိမ်းရှောင်ခဲ့ရပြီး ယနေ့ထိ နေရပ်သို့ မပြန်နိုင်သေးကြောင်း သိရသည်။
ထိုတိုင်းရင်းသားလက်နက်ကိုင် လှုပ်ရှားသည့် ကျောက်မဲမြို့နယ် နှင့် နမ္မတူမြို့နယ်အတွင်း နေထိုင်သည့် ပြည်သူများသည် မကြာခဏ မြေမြုပ်မိုင်း နင်းမိကာ သေဆုံးခဲ့ရကြောင်း၊ ထိုထဲတွင် ကလေးငယ်များလည်း ပါဝင်ကြောင်းသိရသည်။
