သျှမ်းပြည် မြောက်ပိုင်း သီပေါမြို့နယ် စံလောင်းကျေးရွာအကျော်တွင် ယမန့်နေ့ (၂၈)ရက် မနက်ပိုင်း အမျိုးသားတစ်ဦး သေနတ်ပစ်ခံရပြီး သေဆုံးသွားကြောင်း စုံစမ်းသိရှိရသည်။
ဖြစ်စဉ်မှာ ယမန်နေ့မနက်ပိုင်းတွင် သေနတ်ပစ်သတ်ခံရသည့် စိုင်းလှဝင်း နှင် ၎င်း၏ အမျိုးသမီး သည် ဆိုင်ကယ်ဖြင့် နေအိမ်မှ ထွက်သွားကြောင်း၊ ထိုနောက် ဆိုင်ကယ်နှင့် ၎င်း ၏အမျိုးသမီး ပျောက်ဆုံးခဲ့ပြီး၊ စိုင်းလှဝင်း ကို သေနတ်ဒဏ်ရာဖြင့် သေဆုံးနေသည်ကို တွေ့ခဲ့ရကြောင်း သိရသည်။
“ သူတို့လင်းမယား မနေ့ က မနက်ကတည်းကသွားတာ။ မနေ့က တော့ သူမိန်းမ နဲ့ ဆိုင်ကယ်က ပျောက်သွားတယ်။ အမျိုးသားရဲ့ အလောင်းကိုပဲ ရခဲ့တယ်။ ဒါပေမယ့် ခုတော့ သူမိန်းမက အိမ်ရောက်လာပြီ။ ဘာမေးမေး မသိဘူး။ မဖြေပေးဘူး” ဟု သီပေါမြို့ ဒေသခံတစ်ဦးကပြောသည်။
သေဆုံးသွားသည့် အမျိုးသားသည် ဦးခေါင်းနောက်စေ့၊ ဝဲပေါင်း နှင့် ဘယ်ပုခုံး( ၃) နေရာတွင် သေနတ်ဒဏ်ရာရှိထားကြောင်းသိရသည်။
သီပေါမြို့ အနီးရှိကျေးရွာများတွင် သေနတ်ဒဏ်ရာဖြင့်သေဆုံးသွားသူ ၂၀၁၉ နောက်ပိုင်းတွင် မကြာခဏတွေ့ရှိနေရကြောင်း သိရသည်။
Leave a Comments