RCSS လွိုင်ကော်ဝမ်းတပ်စခန်း ကို အာဏာသိမ်း စစ်တပ်မှ လက်နက်ကြီး (၂)လုံး ထပ်မံပစ်

0

RCSS/SSA လွိုင်ကော်ဝမ်း တပ်စခန်းကို အာဏာသိမ်း အကြမ်းဖက်စစ်ကောင်စီမှ ယနေ့ ( ဧပြီ ၁၉) ရက် မွန်းလွဲပိုင်း ၃ နာရီ အချိန်တွင် လက်နက်ကြီးဖြင့် ထပ်မံ ပစ်ခတ်ခဲ့ကြောင်း စုံစမ်းသိရှိရသည်။

“ အခုဘဲ ၂ လုံးပစ်လာတာ။ ကျနော်တို့လူအခုဘဲသွားကြည့်နေတယ်။ ဘာအမျိုးစားလည်း တော့ မသိသေးဘူး။ ပစ်လာတဲ့ ၂ လုံးစလုံးကပေါက်ကွဲတယ်။ မနေ့ညက ပစ်ခဲ့တဲ့နေရာ ပတ်လည်တစ်ဝိုက်ကို ထက်ပစ်လာတာ။ ” ဟု RCSS/SSA လွိုင်ကော်ဝမ်းမှ အရာရှိသူ တစ်ဦးက သျှမ်းသံတော်ဆင့်ကိုပြောသည်။

အာဏာသိမ်း စစ်ကောင်စီ မှ မြန်မာ-ထိုင်းနယ်စပ် RCSS/SSA တပ်စခန်းကို ၂ရက်ဆက်တိုက် လက်နက်ကြီး ပစ်ခတ်နေကြောင်း၊ ထိုပစ်ခတ်မှုကြောင့် အနီးပတ်ဝန်းကျင်တွင် နေထိုင်သည့် စစ်ဘေးရှောင် များအတွက် စိုးရိမ်နေရကြောင်း လည်း လွိုင်ကော်ဝမ်းတွင်နေထိုင်နေသည့် စစ်ရှောင်များက ပြောသည်။

ယမန့်နေ ဧပြီ ၁၈ ညနေပိုင်း အချိန်တွင် အကြမ်းဖက် စစ်ကောင်စီမှ လက်နက်ကြီးဖြင့် ဟွေ့ပန်ကွိုင်း ဒုက္ခသည် များနေထိုင်သည့် ကျေးရွာထဲသို့ ပစ်ခတ်သဖြင့် စစ်ရှောင်များ နေရာထပ်မံပြောင်းရွှေ့ နေရကြောင်းသိရသည်။

မတ်လ ၃၀ ရက်တွင် အကြမ်းဖက်စစ်ကောင်စီမှ မြန်မာ ထိုင်းနယ်စပ် တလျောက်ရှိ သျှမ်းပြည်ပြန်လည် ထူထောင်းရေး ကောင်စီ၊ သျှမ်းပြည်တပ်မတော် (RCSS/SSA) တပ်စခန်းအားလုံးကို တိုက်ခိုက်မည်ဟု ချင်းရိုင်းခရိုင် မယ်ဆိုင်မြို့နယ်ခြား ကော်မတီ ထံ အသိပေးထားကြောင်းသိရသည်။

Leave a Comments