လားရှိုးမြို့နယ်အတွင်း KIA နှင့် အကြမ်းဖက် စစ်ကောင်စီ တိုက်ပွဲဖြစ်

0

သျှမ်းပြည်မြောက်ပိုင်း လားရှိုးမြို့နယ် မိုင်းယော်တိုက်နယ် ပန်ခါးကျေးရွာအနီးတွင် ကချင်လွတ်မြောက်ရေး တပ်မတော် (KIA) နှင့် အကြမ်းဖက် စစ်ကောင်စီတပ်တို့ တိုက်ပွဲဖြစ်ပွားခဲ့ကြောင်းသိရသည်။

ဧပြီ (၄) ရက် နေ့လည် (၁၂) နာရီ ဝန်းကျင်ခန့်က တိုက်ပွဲဖြစ်ပွားခဲ့ပြီး ပန်ခါးကျေးရွာသား (၂) ဦးကိုလည်း စစ်ကောင်စီက ဖမ်းဆီးခေါ်ဆောင်သွားကြောင်း ဒေသခံများ ပြောပြချက် အရသိရသည်။

ဖမ်းခံရသည့် ရွာသား ၂ ဦးမှာ ရွာသူကြီး တစ်ဦး နှင့် ဒေသခံ ရွာသား တစ်ဦး ဖြစ်ကြောင်း သျှမ်းမြောက် လားရှိုးအခြေစိုက် ရွှေဖီမြေသတင်းဌာန တွင် ရေးသားဖော်ပြထားသည်။

“နှစ်ဖက် တိုက်ပွဲဖြစ်တာ ဟုတ်ပါတယ်။ ရွာသား ဖမ်းခေါ်သွားတာနဲ့ ပတ်သက်ပြီးတော့ ကျနော်တို့ မကြားရသေးပါဘူး။”ဟု မိုင်းယော်ဒေသခံ တစ်ဦးက သျှမ်းသံတော်ဆင့် ကိုပြောသည်။

မိုင်းယော်တိုက်နယ်တွင် ကချင်လွှတ်မြောက်ရေး တပ်မတော် (KIA)၊ တအောင်းပလောင် လွှတ်မြောက်ရေး တပ်မတော် (TNLA) ၊ ကိုးကန့် တပ်တော် (MNDAA) ၊ ရခိုင်တပ်မတော် ( AA) နှင့် ရှမ်းပြည်တိုးတက်ရေးပါတီ၊ ရှမ်းပြည်တပ်မတော် (SSPP/SSA) တို့ အကြမ်းဖက်ကောင်စီ တပ်မ (၈၈) ၊ (၉၉) နှင့် စကခ (၁၁) တို့ လှုပ်ရှားကြကြောင်း သိရသည်။

Leave a Comments