သျှမ်းပြည်မြောက်ပိုင်း သီပေါမြို့နယ် တွင် သျှမ်း စစ်တပ် ၂ တပ် စစ်ဖြစ်ပွားကြောင့် စစ်ဘေးရှောင်၄၀၀ ကျော်ရှိပြီး အစားသောက်ခက်ခဲမှုရှိကြောင်း စုံစမ်းသိရှိရသည်။
သီပေါမြို့နယ် အောင်မင်္ဂလာ ဘိုးတော်ကျောင်းတွင် စစ်ဘေရှောင်းပြည်သူများ ၁၀၀ ထက်တိုးလာကြောင်းသိရသည်။
” မနေ့က ၃ ရွာလောက်က ထပ်ပြီး စစ်ဘေးရှောင်လာခဲ့ကြတယ်။ ခုက ဘိုးတော်ကျောင်းမှာဘဲ လာနေကြတယ်။ အခုဆို ၄၀၀ ကျော်ရှိတယ်။ ” ဟု စစ်ဘေးရှောင်များကို ကူညီပေးနေသည့် အမျိုးသမီး တဦးက ပြောသည်။
သီပေါမြို့နယ် အတွင်း စစ်ရေး ထပ်မံ ပြင်းထန်နေဆဲဖြစ်သဖြင့် စစ်ဘေးရှောင်ပြည်သူများ ရာက်ရှိလာပါက အစားအသောက်အခက်ခဲရှိလာနိုင်ကြောင်းလည်း ၎င်း အမျိုးသမီး ကဆိုသည်။
လက်ရှိမှာ သီပေါမြို မှ ဒေသခံများကိုယ်ထူကိုယ်ထ လှူဒါန်း ကျွေးမွေးနေကြောင်း၊ စစ်ရေး ဆက်လက်တင်းမာ နေပါက စစ်ရှောင်များအတွက် အခက်အခဲ ဖြစ်လာနိုင်ကြောင်း လည်း စစ်ရှောင်ကူညီသူများက ပြောသည်။
” လာလှူတာတော့ ရှိတယ်။ ဒါမဲ့ ရေရှည်ဆိုရင်တော့ မရတော့ဘူး။ အခုက ၂ ရက်စာလောက်တော့ ကျန်ရှိနေသေးတယ်။ ဒီနေ့ မနက်ဘဲ သေနတ်သံတွေထက်ကြားနေရသေးတယ်။ ပြည်သူတွေဆက်ပြီးရွာကနေလာနေသေးတယ်” ဟု သီပေါ ပရဟိတ ကူညီနေသူ တဦး ကပြောသည်။
အဆိုပါ သျှမ်းစစ်တပ် ၂ တပ် တိုက်ပွဲဖြစ်ပွားပါက ရွာထဲသို့ လက်နက်ကြီးမကျရောက်စေချင်ကြောင်း၊ ကျေးရွာ ပြည်သူနှင့် ဝေးသည့်နေရာတွင် တိုက်ပွဲဖြစ်ရန် လည်း သီပေါဒေသခံများက တောင်းဆိုလိုက်သည်။
” စစ်ဖြစ်တယ်ဆိုရင်လည်း ဗုံတွေကို လျောက်မပစ်ကြပါ။ ရွာထဲကျလို့ရှိရင် အိမ်တွေထိလာနိုင်တယ်။ ကျွဲ၊ နွားတွေ ရှိနေတယ်။ သူတို့ကိုထိရင်လဲ ကျတော်တို့ အတွက် ဆုံးရှုံးမှုတွရှိတယ်။ ခုတောင်းကျနော်တို့ ရွာထဲမနေဘဲ အပြင်ထွက်လာနေကြပြီ” ဟု စစ်ဘေးရှောင်း ဒေသခံတစ်ဦးက ပြောသည်။
သီပေါမြို့နယ်တွင် RCSS နှင့် SSPP တို့ မတ်လ ၁၈ ရက်နေ့မှ စပြီးတိုက်ပွဲဖြစ်ပွားခဲ့ပြီး၊ တိုက်ပွဲကြောင့် သေဆုံးသူ တဦးရှိခဲ့ပြီး ကျည်ထိမှန်သူ ၄ဦး ခန့်ရှိကြောင်း သိရသည်။
