လွိုင်လင် စစ်အာဏာရှင်ကို ဆန္ဒထုတ်ဖော်သည့် အမျိုးသမီး (၂)ဦး ဖမ်းခံရ

0

သျှမ်းပြည်တောင်ပိုင်း လွိုင်လင်ခရိုင် လွိုင်လင်မြို့ယနေ့ (၈)ရက် တွင် စစ်အာဏာရှင်ကို ဆန့်ကျင်ဆန္ဒထုတ်ဖော်သည့် အမျိုးသမီး ၂ဦး ဖမ်းဆီးခံရကြောင်း သတင်းရရှိသည်။

ယနေ့ မတ်(၈) ရက်တွင် လွိုင်လင်မြို့ရှိ ဆန္ဒထုတ်ဖာ်သည့် သပိတ်စစ်ကြောင်းကို ရဲ နှင့် စစ်တပ်များက တားဆီးပိတ်ထားပြီး အသက် (၄၀) ဝန်းကျင်ရှိသည့် ဒေါ်ချယ်ရီ နှင့် မခင်ဆွေဆွေ ကို ဖမ်းဆီးသွားကြောင်း လွိုင်လင် ဒေသခံများ ပြောပြချက် အရသိရသည်။

“ခုလောလောဆယ်တော့ အချုပ်ကားပေါ်မှာ ရှိနေပါတယ်။ လမ်းပေါ်က ဝန်းရံသူ တစ်ယောက်လည်း ဖမ်းသွားတယ်လို့ သိရပါတယ်” ဟု လွိုင်လင် ဒေသခံ တစ်ဦး ကပြောသည်။

လက်ရှိအခြေအနေမှာတော့ လွိုင်လင် နှင့် ပင်လုံ ရှိ သပိတ်စစ်ကြောင်းများကို ရဲတပ်ဖွဲ့ နှင့် စစ်တပ်များက တားဆီး ပိတ်ထားကြောင်း သိရသည်။

Leave a Comments