စစ်အာဏာရှင် ဆန့်ကျင် ရေး အတွက် ငြိမ်းချမ်းစွာ ဆန္ဒထုတ် ဖော်နေသော တောင်ကြီး မြို့မှ လူငယ်များအား ရဲတပ်ဖွဲ့ဝင်များမှ အကြမ်းဖက် ရိုက်နက် ဖမ်းဆီးခဲ့ရာ လူငယ်အမျိုးသမီးများ အပါအဝင်အမျိုးသား ၂၅ ဦးထက်မနည်း ဖမ်းဆီး ခံခဲ့ရကြောင်း သိရသည် ။
“ မောနီးစတား လက်ဖက်ရည်ဆိုင်မှာ ကျောင်းသားတွေ ရှိနေတော့ ရဲတွေက ကား ၅ စီးနဲ့ ဝိုင်းထာတယ် အပြင်ကနေ သံတံခါးကို ဖျက်ပြီး လူတွေ ကိုဝင်ရိုက်တာပေါ့ ၊ CCTV တွေလဲ အကုန်ဖြုတ်သွားတယ် ၊ ဆိုင်ကိုလဲဖျက်ဆီးသွားတယ် ဆိုင်ရှင်တစ်ယောက် ပါသွားတယ် ၊ ဆိုင်ကဝန်ထမ်း တွေကို လဲဝင်ရိုက် သွားတယ် သေနတ်တွေ နဲ့ချိန်ထား တယ် ကျောင်းသားတွေ အကုန်သွေးထွက်သံယို တွေနဲ့ မိန်းခလေးတွေကို လဲ ဆံပင်တွေကို ဆောင့်ဆွဲပြီးတော့ ခေါ်သွားတယ် ” ဟု မျက်မြင်သက်သေတစ်ဦး ကပြောသည် ။
မတ်လ ၂ ရက်နေ့ နံနက် ၁၀ နာရီခန့်တွင် လက်မောင်း အမှတ် တံဆိပ် (၅၅) ပါစစ်တပ်နှင့် ရဲတပ်ဖွဲ့များမှ တောင်ကြီး မြို့ အမှတ် ၅ ဈေး အနီး မြင်းရုပ်အ ပေါ်ဖက်တွင် စစ်အာဏာရှင် ဆန့်ကျင် ရေး အတွက် ငြိမ်းချမ်းစွာ ဆန္ဒထုတ် ဖော်နေသော လူငယ်များအား မျက်ရည်ယိုဗုံးများ၊ လေးခွများ ဖြင့် ပစ်ခတ်ပြီး ဖြိုခွင်း ခဲ့ကြောင်းသိရသည် ။
အဆိုပါဖြိုခွင်းမှုများကြောင့် ကျောင်းသားလူငယ်များမှာ နီးစပ်ရာ စားသောက်ဆိုင် များ အတွင်းခိုအောင်နေစဉ် ဝင်ရောက်ဖမ်းဆီးခဲ့ခြင်းဖြစ်သည် ။
