တောင်ကြီးမြို့၏ စစ်အာဏာ သိမ်းမှု ဆန့်ကျင်ရေး ကို ယနေ့ (ဖေဖော်ဝါရီ ၁၂) ရက်တွင် ဆက်လက်လုပ်ရှားနေကြပြီး အစိုးရဝန်ထမ်းများ နှင့် တိုင်းရင်းသားများများစွာ ပါဝင်လာ ကြောင်းတွေ့ရသည် ။
စစ်အာဏာ သိမ်းမှု ဆန့်ကျင်ရေး လှုပ်ရှားမှုများတွင် ဆရာဝန်များ ၊ ကျန်းမာရေးဝန်ထမ်း များ ၊ ကျောင်းသားများ ၊ ရှေ့နေများ ၊ လူငယ်များ နှင့် ဒေသခံ တိုင်းရင်းသားများ နှင့် အတူ လျှပ်စစ်ရုံးဝန်ထမ်းများ ၊ ဆက်သွယ်ရေး ဝန်ထမ်းတစ်ချို့ ၊ နှင့် စိုက်ပျိုးရေးဦးစီးဌာနမှ ဝန်ထမ်းများပါဝင်လာပြီး လူအင်အား သိန်းကျော် ဖြင့် မိန်းလမ်းမတစ်လျှောက် ဆန္ဒထုတ်ဖော် လည့်လှည်ခဲ့ကြောင်းသိရသည် ။
ထို့အပြင် ရှမ်းတိုင်းရင်းသားလူငယ်များ ၊ ပအိုဝ်းတိုင်းရင်းသားလူငယ် များ ၊ ကချင်တိုင်း ရင်းသား များ နှင့် လီဆူးတိုင်းရင်းသားများလာငယ်များမှ လည်း ၎င်းတို့၏ ရိုးရာဝတ်စုံ များဖြင့် တောင်တန်းတော်လန်ရေး စာတန်းကိုင်ဆောင်လျှက် စစ်အာဏာ ရှင်များကို ဆန့်ကျင်ကြောင်း နှင့် CDM တွင် ဝန်ထမ်းများပါဝင်လာ ရန် တိုက်တွန်းသည့် စာတန်း များ ကိုင်ဆောင်လျှက် ဆန္ဒထုတ်ဖော် နေကြသည် ။
အဆိုပါဆန္ဒထုတ်ဖော်ပွဲတွင် တောင်ကြီး မြို့တွင်နေထိုင်ကြသော မြန်မာပြည်ဖွား တရုတ်လူငယ်များ ၊ ဂေါ်ရခါးလူငယ်အဖွဲ့များ လည်းပါဝင်ခဲ့ကြောင်း သိရသည် ။
တောင်ကြီးမြို့တွင် စစ်အာဏာ သိမ်းမှု ဆန့်ကျင်ရေး လှုပ်ရှားမှုအဖြစ် ဖေဖော်ဝါရီ (၇) ရက်နေ့က စတင်ခဲ့ခြင်းဖြစ်ပြီး နေ့စဉ် မြို့ခံလူထုများမှ သပိတ်စစ်ကြောင်းများ အတွက် အစားအစာများ ရေသန့်များ အလျှံပယ် ဝေငှလှူဒါန်းမှုများ လည်း တွေ့မြင်ရပါသည် ။
Leave a Comments