သျှမ်းပြည် တောင်ပိုင်း မိုင်းရှူးမြို့နယ်တွင် CDM ကမ်းပိန်းတွင် ပါဝင်သည့် ဆရာဝန်များကို ဖမ်းဆီးရန်အတွက် ရဲ နှင့် စစ်တပ်များ ဆေးရုံတွင် လာရောက်စောင့်ဆိုင်းနေကြောင်းသိရသည်။

စစ်အာဏာသိမ်းမှုကို ဆန့်ကျင်သည့် CDM (Civil Disobedience Movement) လှုပ်ရှားမှု တွင် ပါဝင်သည့် မိုင်းရှူး ဆရာဝန်များကို ဖမ်းဆီးရန် ကြိုးပမ်းနေသော်လည်း လက်ရှိအချိန်တွင် ပြည်သူများက ဆရာဝန်များကို မဖမ်းဆီးရန်အတွက် ဝန်ရံ စောင့်ဆိုင်းနေသည်။

“ အခုက ဆရာဝန် ကိုဖမ်းဖို့ကြိုးစားနေတယ်။ ဆေးရုံမှာ သွားစောင့်နေတာ။ ပြည်သူတွေက ပေးမဖမ်းဘူး။ ပြည်သူတွေက သွားဝန်းရံထားတယ်။ ဆေးရုံကို သွားပြီး မဖမ်းနိုင်အောင် သွားဟန့်တားထားတယ်” ဟု မိုင်းရှူးဒေသခံတစ်ဦး ကပြောသည်။

မိုင်းရှူးမြို့နယ်ရှိ ဆရာဝန်များအားလုံးသည် CDM ကမ်းပိန်းတွင် ပါဝင်လှုပ်ရှားနေသူများဖြစ်သည်။

ထို့ပြင် ဆန္ဒပြဦးဆောင်သည်ဟု ယူဆထားသည့် သူများကို ဖမ်းဆီရန် ကြိုးပမ်းနေသော်ည်း လက်ရှိအချိန်တွင် အကုန်လုံး ထွက်ပြေးတိမ်ရှောင်းနေရသည်။

အဆိုပါ မိုင်းရှူးမြို့နယ်ရှိ ဆရာဝန်ကြီးသည် ဖေဖော်ဝါရီ ၁ ရက်နေ့မှ စတင်ပြီး စစ်အာဏာအောက်တွင် တာဝန်မထမ်းနိုင်သဖြင့် CDM ပါဝင်လှုပ်ရှားရကြောင်း သိရသည်။