လက်ရှိ ပြည်ထောင်စုမြန်မာနိုင်ငံတော် အစိုးရ ထိပ်ပိုင်းခေါင်းဆောင် များဖြစ်ကြသော နိုင်ငံတော် အတိုင်အပင်ခံ ဒေါ် အောင်ဆန်းစုကြည် ၊ နိုင်ငံတော်သမ္မတ ဉီးဝင်းမြင့် အပါအဝင် ပြည်နယ် နှင့် တိုင်းဒေသကြီး ဝန်ကြီးချုပ် တချို့ကို ဖမ်းဆီးလိုက်လိုက် ပြီး ဒုတိယ သမ္မတ ၁ ဒုတိယ ဗိုလ်ချုပ်ကြီးဟောင်း ဉီးမြင့်ဆွေကို ယာယီသမ္မတ အဖြစ်တင်မြောက်ထားသည်။

ပအိုဝ်းအမျိုးသားလွတ်မြောက်ရေးအဖွဲ့ချုပ် PNLO နာယကလည်းဖြစ်၊ ဉပဒေ ကျွမ်းကျင်ပညာရှင်လဲဖြစ်တဲ့ ဗိုလ်မှူးကြီးခွန်ဉက္ကာက –  “အခုပုံစံက တည်ဆဲဖွဲ့စည်းပုံကိုလည်း ဆက်သုံးနေမယ်။ လွှတ်တော်ကိုလည်း တပိုင်းတစ စိတ်ကြိုက်ပြန် ဖွင့်မယ်။ အစိုးရကိုလဲ အားလုံးမဖမ်းဘဲ နဲ့ ကိုယ်ကြိုက်တဲ့လူကိုကြား ဖြတ်အစိုးရလိုမျိုး  ကြားဖြတ်သမ္မတ လိုမျိုး ပြန်လုပ်မယ်ဆိုရင်တော့ ပြုပြင်ပြောင်းလဲရေး လုပ်တယ်လို့ပြော လို့ရတာပေါ့ဗျာ။ အာဏာသိမ်း တာထက်စာရင်အစိုးရ အုပ်ချုပ်ရေးပိုင်းကို ပြုပြင်ပြောင်းလဲရေး လုပ်တယ် လို့ ပြောလို့ရတယ်ပေါ့” –ဟု ပြောသည်။

အာဏာကို ပီပီပြင်ပြင်သိမ်းမည်ဆိုပါက တည်ဆဲအစိုးရ အဖွဲ့ဝင်များအားလုံး ဖမ်းဆီးထိန်းသိမ်းရ မည်ဖြစ်ကြောင်း၊ တည်ဆဲလွှတ်တော် ဉပဒေအားလည်း ဖျက်သိမ်းရမည်ဖြစ်ကြောင်း၊ ထို့အပြင် တည်ဆဲဉပေဒ ဖြစ်သည့် ၂၀၀၈ ဖွဲ့စည်းပုံအခြေခံဉပဒေကိုလည်း ဖျက်သိမ်းရမည်ဖြစ်ကြောင်း ဗိုလ်မှူးကြီး ခွန်ဉက္ကာ က ပြောသည်။

လက်ရှိအနေအထားအရ နိုင်ငံတော်၏ တည်ဆဲ ဉပဒေ ဖြစ်သည့် ၂၀၀၈ ဖွဲ့စည်းပုံအား မဖျက်သိမ်းဘဲ ရွေးကောက်တင်မြောက်ခံ သမ္မတကိုဖမ်းဆီး ဖြုတ်သိမ်းပြီး တပ်မတော် စိတ်ကြိုက် ဖြစ်သည့် ဒုတိယ ဗိုလ်ချုပ်ကြီးဟောင်း ဉီးမြင့်ဆွေအား ယာယီသမ္မတအဖြစ် တင်မြောက်ထားခြင်းဖြစ်သည်။

ဖမ်းခံရသူများစာရင်းတချို့  အောက်ပါအတိုင်း တင်ပြလိုက်ရပါသည်။ အပ်ဒိတ် စာရင်း ဆက်လက် ဖေါ်ပြပါမည်။

1. ဒေါ်အောင်ဆန်းစုကြည် (နိုင်ငံတော် ၏ အတိုင်ပင်ခံပုဂ္ဂိုလ်)

2. ဦးဝင်းမြင့် (သမ္မတ)

3. ဦးဖြိုးမင်းသိန်း (ရန်ကုန်တိုင်းဝန်ကြီးချုပ်)

4. ဒေါက်တာ. ဇော်မြင့်မောင် (မန္တလေးတိုင်းဒေသကြီးဝန်ကြီးချုပ်)

5. ဒေါက်တာ. အောင်မိုးညို (မကွေးတိုင်းဒေသကြီးဝန်ကြီးချုပ်)

6. ဒေါ်နန်းခင်ထွေးမြင့် (ကရင်ပြည်နယ်ဝန်ကြီးချုပ်)

7. ။ ဦးညီပု (ရခိုင်ပြည်နယ်ဝန်ကြီးချုပ်)

8. ဒေါက်တာ. အေးဇံ (မွန်ပြည်နယ်ဝန်ကြီးချုပ်)

9. ။ ဦးမော် (ကယားပြည်နယ် ၊ စီမံကိန်းနှင့်ဘဏ္ဍာရေးဝန်ကြီး)

10. ဦးစိုးညွန့်လွင် (ရှမ်းပြည်နယ် စီမံကိန်းနှင့်ဘဏ္ဍာရေးဝန်ကြီး)

11. ဦးဉာဏ်ဝင်း (ဒေါ်အောင်ဆန်းစုကြည် ၏ ကိုယ်ရေးကိုယ်တာရှေ့နေ)

12. ဒေါက်တာ. တင်မျိုးဝင်း (ဒေါ်အောင်ဆန်းစုကြည် ၏ ပုဂ္ဂိုလ်ရေး ရူပဗေဒပညာရှင်)

13. ။ ဦးဟန်သာမြင့် (ဗဟိုအလုပ်အမှုဆောင်အဖွဲ့ဝင် ၊ NLD)

14. ဦးညွန့်ဝေ (NLD ပါတီ ဥက္ကဋ္ဌ ၊ ရွှေတောင်)

15. ဒေါ်ခင်စောဝေ (လွှတ်တော်အမတ်)

16. ဒေါက်တာ. မျိုးအောင် (လွှတ်တော်အမတ်)

17. ဦးသောင်းဌေး (ကယား)

18. ။ ဦးစိုင်းယု (ကယား)

19. မင်းထင်ကိုကိုကြီး (ရုပ်ရှင်ရိုက်ကူးသူ)

20. မင်းသွေးသစ် (ကျောင်းသားခေါင်းဆောင်)

21. ဦးကိုကိုကြီး (ပြည်သူ့ပါတီခေါင်းဆောင်)

22. ။ ဦးမင်းကိုနိုင် (88 မျိုးဆက် ကျောင်းသားများ)

23. ။ ဦးမြအေး (88 မျိုးဆက် ကျောင်းသားများ)

24. မောင်သာချို (စာရေးဆရာ)