သျှမ်းပြည် တောင်ပိုင်းတွင် ကိုဗစ်-၁၉ ကာကွယ်ဆေးထိုးမည့် ကျန်းမားရေးဝန်ထမ်း (၅၀၉၆) ဦးရှိကြောင်း စုံစမ်းသိရှိရသည်။
ထိုကိုဗစ်- ၁၉ ကာကွယ်ဆေးကို ဇန်နဝါရီ ၂၇ ရက်တွင် စတင်ထိုးပေးမည်ဖြစ်ပြီး၊ ကျန်းမားရေးဝန်းထမ်းများကို အရင်ဆုံးထိုးပေးမည်ဖြစ်ကြောင်း သျှမ်းပြည် ပြည်သူ့ကျန်းမာရေး ဦးစီးဌာန လက်ထောက်ညွှန်ကြားရေးမှူး ဒေါက်တာဇဝနကို က သျှမ်းသံတော်ဆင့်ကိုပြောသည်။
ကိုဗစ်-၁၉ ကာကွယ်ဆေးကို တောင်ကြီးမြို့တွင် စဝ်စံထွန်းဆေးရုံ နှင့် မိခင်းကလေးဆေးရုံများကို အရင်ထိုးပေးမည် ဖြစ်ကြောင်းသိရသည်။
“ အခု ကျန်းမားရေးဝန်ထမ်းတွေကိုတော့ စဝ်စံထွန်းဆေးရုံကြီးနဲ့ မိခင်းနဲ့ကလေးဆေးရုံကြီးမှာ ထိုးဖို့စီစဉ်ထားတယ်။ ဒါကတောင်ကြီးပေါ့ မြိုနယ် ၂၁ မြို့နယ်မှာ ကျန်းမားရေးဝန်ထမ်းတွေအားလုံးကို ထိုးဖို့စီစဉ်ထားတယ်” ဟု ဒေါက်တာဇဝနကို က ပြောသည်။
ထိုကိုဗစ်- ၁၉ ကာကွယ်ဆေးကို ထိုးပြီး ရက်ပေါင်း ၂၈ရက် အတွင်း အခြေနေကို ပြန်လှည့်စောင့်ကြည့်ကာ နောက်ထပ်မံ တကြိမ်ပြန်လည်းထိုးသွင်းရမည် ဖြစ်ကြောင်း ဒေါက်တာဇဝနကိုကပြောသည်။
“ ကျနော် တို့ ၂၇ ရက်နေ့စထိုးပေးဖို့တော့ Plan ချထားတယ်။ ဒါပေမယ့် လောလောဆယ်တော့ ဆေးရောက်တာမရှိသေးဘူး။ ဆေးရောက်တဲ့ပေါ်မူတည်ပြီးတော့ စာရင်းဇယားတွေပေါ်နဲ့ ရက်အပြောင်းအလဲတော့ ရှိရင်ရှိမှာပေါ့” ဟု ဒေါက်တာ ဇဝနကို က ဆိုသည်။
ထိုကိုဗစ်- ၁၉ ကာကွယ်ဆေးသည် ကောင်းကျိုး နှင့် ဆိုးကျိုးကို ချင့်ချိန်ပြီး ကောင်းကျိုး ပိုမို ရရှိပါက ကာကွယ်ဆေးကို ဆက်ထိုးသွားဖို့ရှိကြောင်း ဒေါက်တာဇဝနကိုက ထက်လောင်းပြောသည်။
မြန်မာနိုင်ငံတွင် ကိုဗစ် ၁၉ ကာကွယ်ဆေးသည် ဇန်နဝါရီ ၂၂ ရက်နေ့က ရောက်ရှိခဲ့ကြောင်းသိရသည်။
