သျှမ်းပြည် အရှေ့ပိုင်း တာချီလိတ်မြို့ ဆန်ဆိုင်း(က) ရပ်ကွက်တွင် ငွေကျပ်သိန်း ၅၀၀၀ စိတ်ကြွဆေးပြားများ ဖမ်းဆီးရမိကြောင်း စုံစမ်းသိရှိရသည်။
ဖြစ်စဉ်မှာ ဇန်နဝါရီ ၁၆ ရက် ည ၁၁နာရီခွဲကျော်၌ တာချီလိတ်မြို့၊ဆန်ဆိုင်း(က)ရပ်ကွက်၊ ပုံလို့လမ်းတွင် ကျနူး(ခ) ယာခါး မောင်းနှင်လာသော Toyota Hilux Vigo Champ အမျိုးအစားပေါ်တွင် မူးယစ်ဆေးဝါးများကို သယ်ဆောင်လာကြောင်း ထို မော်တော်ယာဉ်အတွက် ရှေ့ပြေးအနေဖြင့် ဇော်မင်းထွန်း ကဆိုင်ကယ်ဖြင့် ကြိုတင်မောင်းလာပြီး ရပ်တန့်စစ်ဆေးရာတွင် ဖမ်းဆီရမိကြောင်း မူးယစ်ရဲတပ်ဖွဲ့ ထုတ်ပြန်ချက် အရသိရသည်။
ထို စစ်ဆေးရာတွင် မော်တော်ယာဉ်နောက်ခန်း ဆာလာအိတ်များအတွင်းမှ စိတ်ကြွရူးသွပ်ဆေးပြား ၅၀၀၀၀၀ ပြား (ဒေသကာလပေါက်ဈေးငွေ ကျပ်သိန်း ၅၀၀၀) သိမ်းဆည်းရမိခဲ့ကြောင်းသိရသည်။
အဆိုပါ ကျနူး(ခ)ယာခါး ၃၀ နှစ်၊ ဇော်မင်းထွန်း ၄၁ နှစ်တို့အား မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေအရ အရေးယူထားကြောင်း နှင့် ကွင်းဆက်များကို ဆက်လျက် ဖော်ထုတ်နေကြောင်းသိရသည်။
Leave a Comments