သျှမ်းပြည်နယ်အတွင်း လယ်ယာမြေလုပ်ပိုင်ခွင့်ပြုလက်မှတ် ပုံစံ(၇) အတွက် ဆောင်ရွက်ရမည့် လုပ်ငန်းပမာဏ လယ်ယာမြေဧရိယာပေါင်း (၃) သန်းဝန်း ကျင်ခန့်ရှိကြောင်း သျှမ်းပြည်နယ်လယ်ယာ မြေစီမံခန့်ခွဲရေးနှင့် စာရင်းအင်းဦး စီးဌာနမှသိရသည် ။
လက်ရှိအစိုးရလက်ထက်(၁) နှစ်တာကာလအတွင်း သျှမ်းပြည်နယ်အတွင်း လယ်ယာမြေလုပ်ပိုင် ခွင့်ပြုလက်မှတ် ပုံစံ(၇) ထုတ်ပေးနိုင်မှု ဆောင်ရွက် ရန်မည့် လုပ်ငန်းပမာဏ လယ်ယာမြေဧရိယာမှာ (၂,၇၉၃,၅၂၆) ဧရိယာခန့် ရှိပြီး လယ်ယာမြေလုပ် ပိုင်ခွင့်ပြုလက်မှတ် ပုံစံ(၇) ထုတ်ပေးနိုင်ခဲ့သည့် တောင်သူပေါင်း (၁၉,၀၂၅)ဦး ၊ ဦးပိုင်ပေါင်း (၂၇,၀၅၂) ဦးပိုင်နှင့်ဧရိ ယာ ပေါင်း (၇၂,၅၃၁)ဧက ဆောင်ရွက်ပြီးစီးခဲ့သည်ဟု အဆိုပါဌာန၏ အချက် အလက်များအရသိရသည် ။
သျှမ်းပြည်နယ်အတွင်း မြေလွတ်မြေလပ်နှင့် မြေရိုင်းများ စီမံခန့်ခွဲရေးဥပဒေ ၂၁(ဂ) အရ အသုံးပြုခြင်းမရှိသည့် မြေယာများထဲမှ ထက်ဝက်ခန့် ပြန်လည် သိမ်းဆည်းထားပြီး ဖြစ်ကြောင်း သျှမ်းပြည်နယ်လယ်ယာ မြေစီမံခန့်ခွဲရေးနှင့် စာရင်းအင်းဦးစီးဌာန ညွှန်ကြားရေးမှူး ဦးသိန်းဦး ကပြောသည် ။
သျှမ်းပြည်နယ်အတွင်း အသုံးပြုခြင်းမရှိသည့် မြေလွတ်မြေရိုင်းများ အားပြန် လည်သိမ်းဆည်းထားသော ဧကပေါင်း ၁၉၉,၇၉၈ ဧကရှိကြောင်း၊ စုစုပေါင်း ဧက ၄သိန်းကျော်ရှိသည့် အနက် မြေဧက ၂ သိန်းခန့်ကိုပြန်လည်သိမ်း ဆည်းပြီး ဒေသဖွံ့ဖြိုးရေးစီမံကိန်းတွေအတွက် ဆောင်ရွက်သွားမည်ဟု မေလ (၂၅) ရက်နေ့က သျှမ်းပြည်နယ်အစိုးရအဖွဲ့၏ ပြည်သူ့အတွက်ဒုတိယ တစ်နှစ်တာပြုပြင်ပြောင်း လဲရေးဆောင်ရွက်ချက်များ နှင့်ပတ်သက်၍ သတင်းမီဒီယာများအား အသိပေးရှင်းလင်းခြင်းအခမ််းအနားတွင် ညွှန်ကြား ရေးမှူး ဦးသိန်းဦး က ဖြေကြားသွားခဲ့ခြင်းဖြစ်သည် ။
လယ်ယာမြေလုပ်ပိုင်ခွင့်ပြုလက်မှတ်ပုံစံ(၇) ထုတ်ပေး ခြင်းလုပ်ငန်းကို ၂၀၁၂ ခုနှစ်လယ်ယာမြေ ဥပဒေများနှင့် အညီ (၁-၁- ၂၀၁၃ ) ရက်နေ့မှစ တင်ပြီးဆောင်ရွက်ခဲ့ရာ သျှမ်းပြည်နယ်အတွင်း လယ်ယာမြေလုပ် ပိုင်ခွင့်ပြု လက်မှတ် ပုံစံ(၇) ထုတ်ပေးရန်(၃၁-၃-၂၀၁၈)နေ့အထိစုစုပေါင်း ထုတ်ပေး ပြီးစီးမှုအနေဖြင့် တောင်သူပေါင်း(၃၂၃,၀၁၆)ဦး ၊ ဦးပိုင်ပေါင်း (၄၁၈,၇၇၈)ဦး ပိုင် ၊ ဧရိယာပေါင်း (၁,၀၉၇,၀၄၃)ဧက ကို ဆောင်ရွက်နိုင်ခဲ့ကြောင်း သျှမ်း ပြည်နယ်လယ်ယာ မြေစီမံခန့်ခွဲရေးနှင့်စာရင်းအင်းဦးစီးဌာနမှဆက်လက် သိရှိရပါသည် ။
Leave a Comments