နမ့်စန်မြို့နယ်တွင် မူးယစ်ဆေးဝါး တန်ဖိုးငွေ ကျပ် သိန်း ၆ ရာဖိုးဖမ်းဆီးရမိ

0

ဒီဇင်ဘာ ၁၇ နေ့လည် ၁နာရီအချိန်တွင် နမ့်စန်မြို့နယ်၊ ခိုလမ်မြို့၊ ခိုအွတ်ကျေးရွာအုပ်စု၊ ကောင်းဟောင်းကျေးရွာနေ စံဒေဝါ ၃၅ နှစ်၏ နေအိမ်ကို ခိုလမ်နယ်မြေရဲ တပ်ဖွဲ့ဝင်များမှ ဝင်ရောက်စစ်ဆေးရာ မူးယစ်ဆေးဝါး များကိုဖမ်းဆီး တွေ့ရှိရကြောင်းသိရသည်။

အိမ်ရှင်စံဒေဝါ  အိမ်တွင်ရှိနေပြီး ၎င်း အိပ်ခန်းတွင် ပလတ်စတစ်ကပ်ခွာအိတ်ဖြင့်ထည့်ထားသည် စိတ်ကြွရူးသွပ်ဆေးပြား ၁၃၅၀ ပြား (ဒေသကာလပေါက်ဈေးတန်ဖိုးငွေကျပ် ၁၃.၅ သိန်း) နှင့် နေအိမ်အောက်တွင် အိုက်စ်မူးယစ်ဆေး အလေးချိန် ၂.၃ ကီလို( ဒေသကာလပေါက်ဈေး တန်ဖိုးငွေကျပ် ၄၆၀သိန်း) တို့ကို တွေ့ရှိဖမ်းဆီမိခဲ့သည်။

စံဒေဝါကို ခိုလမ်နယ်မြေရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများ ဆိုင်ရာဥပဒေဖြင့် အမှူဖွင့် အရေးယူပြီး ကွင်းဆက်များကို ဖော်ထုတ်စစ်ဆေး လျှက်ရှိကြောင်းသိရသည်။

သျှမ်းပြည်နယ်တွင် ဒီဇင်ဘာ ၁၈ ရက်နေ့ထိ မူးယစ်ဆေးဝါးများကို ဖမ်းဆီးရမှုပေါင်း ၂၁ ခုရှိပြီး ဖြစ်ကြောင်းသိရသည်။

Leave a Comments