သျှမ်းပြည်နယ်အတွင်း ခရီးသည်များ လေကြောင်းလှိုင်းများဖြင့် ဝင်ရောက်လာသူများသည် Hotel Quarantine နှင့် ဆေးစစ်ချက်များကို မိမိကုန်ကျစရိတ်ဖြင့် ကုန်ကျရမည် ဖြစ်ကြောင်း သျှမ်းပြည်နယ် အစိုးရအဖွဲ့ ထုတ်ပြန်ချက် အရသိရသည်။
ခရီးသည်များသည် လေယာဉ်ကွင်းမှ Hotel သို့သွားရာတွင် သျှမ်းပြည်အစိုးရ ပို့ဆောင်စီမံကိန်း ဦးစီးဌာနမှ စီစဉ်ပေးသည့် မော်တော် ယာဉ်များကိုသာ လိုက်ပါစီးနင်းရမည်ဖြစ်ကြောင်းသိရသည်။ ထို့သို လိုက်ပါစီးနင်းရာတွင် မိမိစရိတ်ဖြင့် ငွေပေးချေရမည် ဖြစ်ကြောင်းသိရသည်။
Hotel Quarantine ဝင်ရာတွင် အစိုးရအဖွဲ့မှ သတ်မှတ်ထားသည့် Hotel များကို မိမိစရိတ်ဖြင့် ဝင်ရောက်ရမည်ဖြစ်ကြောင်း သိရသည်။
Hotel Quarantine ဝင်ရန်အတွက် တောင်ကြီးမြို့တွင် Hotel ၅ ခု၊ ကလောမြို့တွင် ၂ ခု၊ အောင်ပန်းမြို့တွင် ၂ ခု၊ ညောင်ရွှေမြို့နယ်တွင် ၆ ခု၊ သျှမ်းပြည်အရှေ့ပိုင်း ကျိုင်းတုံမြို့တွင် ၄ ခုနှင့် တာချီလိတ်မြို့တွင် ၁ ခု ထားရှိပေးရာ မိမိနှစ်သက်သည့် Hotel တွင် Quarantine ဝင်နိုင်မည်ဖြစ်ကြောင်းသိရသည်။
Hotel Quarantine ဝင်ပြီး ၃ ရက်မြောက်နေ့တွင် PCR စက်ဖြင့် ကိုဗစ် ၁၉ ပိုး စစ်ဆေးရမည်ဖြစ်ကြောင်း နှင့် ကိုဗစ် ၁၉ ပိုးကင်းစင်မှသာ မိမိလိုရာခရီးကို သွားခွင့်ပြုမည်ဖြစ်ကြောင်းသိရသည်။
ထိုသို့ PCR ဖြင့်စစ်ဆေးရာတွင် ငွေ ၃၅၀၀၀ ကျပ်ကျသင့်မည်ဖြစ်ပြီး ကုန်ကျစရိတ်ကိုလည်း မိမိဖက်က သာ ပေးဆောင်ရမည်ဖြစ်သည်။
ငွေကြေးအခက်ခဲရှိပါက Hotel Quarantine ဝင်ရာ ၇ ရက်မြောက်နေ့တွင် RDT ဖြင့် ကိုဗစ် ၁၉ ပိုးကို စစ်ဆေးမည်ဖြစ်ပြီး ငွေ ၁၅၀၀၀ ကျသင့်မည်ဖြစ်သည်။
ကိုဗစ် ၁၉ ကင်းစင်၍ မိမိနေထိုင်ရာမြို့ကိုပြန်ရာတွင် ဒေသဆိုင်ရာကျန်းမာရေးဌာန၏ ဆေးစစ်မှုများ၊ လိုအပ်သော အသွားအလာကန့်သတ်မှုများ၊ လုပ်ငန်းဆောင်ရွက်မှုများကို ဒေသန္တရဆိုင်ရာ အမိန့်များကို မဖြစ်မနေ လိုက်နာဆောင်ရွက်ရမည်ဖြစ်သည်။
ခရီးသည် များသည် ခရီးစဉ်မထွက်ခွာမည် ၃၆ နာရီအတွင်း(RDT) ဖြင့် စစ်ဆေးရာတွင် ကိုဗစ် ၁၉ မရှိကြောင်း ကို ဓါတ်ခွဲနမူနာကို Check in အချိန်တွင် ပြသနိုင်ရမည်ဖြစ်ကြောင်းသိရသည်။
ထိုသို့ စစ်ဆေးရာတွင်လဲ မိမိ ကုန်ကျစရိတ်ဖြင့် သာစစ်ဆေးရာမည်ဖြစ်ကြောင်း သိရသည်။
လေကြောင်း ခရီးစဉ်ဖြင့်လိုက်ပါ စီးနင်းလာသည် ပြည်သူများသည် သျှမ်းပြည်အစိုးရအဖွဲ့မှ ထုတ်ပြန်ထားသည် အမိန့်၊ ညွှန်ကြားချက်၊ ပန်းကြားချက်များကို တိကျစွာ လိုက်နာဆောင်ရွက်ရမည် ဖြစ်ကြောင်း ထုတ်ပြန်ကြောညာထားသည်။
